قازاقستان- قىتاي شەكاراسى ۋاقىتشا جابىلادى

استانا. قازاقپارات - 21-23-قاڭتاردا قازاقستان- قىتاي شەكاراسىنداعى اۆتوموبيل وتكىزۋ پۋنكتتەرى جۇمىس ىستەمەيدى دەپ حابارلادى مەملەكەتتىك كىرىستەر كوميتەتى.

«ق ح ر- دا كوكتەمدى مەرەكەلەۋگە بايلانىستى 2023 -جىلعى 21-23-قاڭتاردا قازاق- قىتاي شەكاراسىنداعى اۆتوموبيل وتكىزۋ پۋنكتتەرىندە تۇلعالاردىڭ، كولىك قۇرالدارى مەن جۇكتەردى وتكىزۋ جۇزەگە اسىرىلمايتىندىعىن حابارلايدى»، - دەلىنگەن مالىمدەمەدە.

قازاقستان- قىتاي شەكاراسىنداعى تەمىر جول وتكىزۋ پۋنكتتەرى شتاتتىق رەجيمدە جۇمىسىن جالعاستىرادى.

«تاسىمالداۋشىلاردان جانە بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرايمىز»، - دەلىنگەن حابارلامادا.