فرانسيا قارسىلىق شارالارى زەينەت رەفورماسىنا، ونىڭ ىشىندە زەينەت جاسىن 62-دەن 64-كە كوتەرۋگە باعىتتالدى. فرانسۋز كاسىپوداقتارى بىرنەشە جىل بۇرىن زەينەت جاسى 60-تان 62-گە كوتەرىلگەن كەزدەگىدەي بىرلەسىپ قارسىلىق كورسەتىپ جاتىر.
ەل پرەزيدەنتى ەممانۋەل ماكرون ۇكىمەتى زەينەتكەرلىككە شىعۋ جاسىن 62-دەن 64-كە ۇزارتىپ، زەينەتاقىنى تولىق الۋ ءۇشىن تولەنەتىن توقساندىق سالىقتاردى كوبەيتىپ جاتىر.
«بىزگە كۇش بەرگەن كاسىپوداق بىرلىگى ەكەنىن مويىنداۋىمىز كەرەك. (...) ارامىزدا بۇل ماسەلەگە قاتىستى كەلىسپەۋشىلىك جوق. مۇنداي وقيعا كەيىنگى 15-20 جىلدا العاش رەت بولىپ تۇر»، - دەدى «باعىنبايتىن فرانسيا» پارتياسىنىڭ كوشباسشىسى جان- ليۋك مەلانشون.
ەرەۋىل سالدارىنان پاريجدەگى قوعامدىق كولىكتەر مەن بارلىق وڭىردەگى پويىزداردىڭ قوزعالىسىنا كەرى اسەر ەتتى. EDF مەملەكەتتىك ەلەكتر ەنەرگياسىن جەتكىزۋشىنىڭ ەرەۋىلگە شىققان جۇمىسشىلارى ەلەكتر ەنەرگياسىن ءوندىرۋدى ازايتقانىن مالىمدەدى. Franceinfo جانە France Inter قوعامدىق راديوجەلىلەرى جاڭالىق تاراتۋدىڭ ورنىنا ەفيردى مۋزىكامەن تولتىرىپ تاستاعان، ال France 2 تەلەارناسى قايتالاۋ كورسەتىپ جاتىر.
بۇعان دەيىن تۇرعىنداردىڭ فرانسيا كوشەلەرىنە ونداعان مىڭ ادام زەينەتاقى رەفورماسىنا قارسى ەرەۋىلگە شىعاتىنى حابارلاندى.
فوتو Thomas SAMSON / AFP.