وزبەكستان پرەزيدەنتى شاۆكات ميرزيەيەۆ 16- قاڭتاردا حالىقتى ەنەرگيا رەسۋرستارىمەن قامتاماسىز ەتۋ بويىنشا كەڭەس وتكىزگەننەن كەيىن ماسەلەنى شەشۋگە ەلدىڭ قورعانىس مينيسترلىگى، ءى ءى م جانە ۇلتتىق گۆارديا جۇمىلدىرىلدى.
ءار اۋداندا ۇلتتىق گۆارديا، ءى ءى م، ت ج م جاۋاپتى قىزمەتكەرلەرى مەن كوممۋنالدىق قىزمەت كاسىپورىندارىنان قۇرالعان شتاب پەن جۇمىس توبى قۇرىلدى.
جۇمىس توپتارىنىڭ مىندەتىنە حالىقتى ەلەكتر ەنەرگياسىمەن، گازبەن، سۋمەن جانە جىلۋمەن قامتاماسىز ەتۋ جۇيەلەرىنىڭ جۇمىس ساپاسىن تەكسەرۋ؛ جىلۋ جانە ەلەكتر ەنەرگياسىمەن قامتاماسىز ەتۋدەگى ۇزىلىستەردىڭ سەبەپتەرىن انىقتاۋ جانە ازاماتتاردىڭ وتىنىشتەرىن زەرتتەۋ، انىقتالعان كەمشىلىكتەردى جويۋ كىرەدى.
وزبەكستاندا 11- قاڭتاردان باستاپ رەسپۋبليكا بويىنشا اۋا رايى شامادان تىس سۋىتتى. تۇندە 19-20 گرادۋسقا دەيىن، كۇندىز 17 گرادۋسقا دەيىن تومەندەدى. وسىعان بايلانىستى بارلىق ەلدى مەكەندەردە ەلەكتر ەنەرگياسى مەن گازدى تۇتىنۋ بىرنەشە ەسەگە ارتىپ، بۇل ءوز كەزەگىندە ەلەكتر قۋاتىنىڭ جاپپاي ۇزىلۋىنە، تۇرعىن ۇيلەردە گاز قىسىمىنىڭ تومەندەۋىنە اكەلدى.
بۇعان دەيىن حابارلاعانىمىزداي، 16- قاڭتاردا ەنەرگيا رەسۋرستارىمەن قامتاماسىز ەتۋ جونىندەگى كەڭەيتىلگەن كەڭەستە وزبەكستان پرەزيدەنتى قىسقا دايىندىقتىڭ ناشارلىعى ءۇشىن ءبىرقاتار جوعارى لاۋازىمدى شەنەۋنىكتەردى قىزمەتىنەن بوساتتى.
دۇيسەنبىدەن باستاپ قورعانىس مينيسترلىگى تاشكەنتتىڭ بارلىق 11 اۋدانىندا حالىققا ىستىق تاماق پەن شاي تاراتاتىن اسكەري دالا اسحانالارىن ورنالاستىردى. حالىققا ارنالعان مۇنداي ورىندار تاشكەنت، نامانعان، فەرعانا وبلىستارىندا دا ۇيىمداستىرىلدى.
اۆتور
سماعۇلوۆا ەركەجان