بيىل مۇنايعا دەگەن سۇرانىس رەكوردتىق دەڭگەيگە جەتەدى - حالىقارالىق ۇيىم
بۇل تۋرالى قازاقپارات مەنشىكتى ءتىلشىسى ۇيىمعا سىلتەمە جاساپ حابارلايدى.
«قىتاي كوروناۆيرۋس شەكتەۋلەرىن جويىلعاننان كەيىن مۇنايعا سۇرانىستىڭ جارتىسىنا جۋىعىن قامتاماسىز ەتپەك. بۇل رەتتە 2023-جىلى الەمدە مۇنايعا سۇرانىس ءوسۋىنىڭ نەگىزگى كوزى اۆياتسيالىق وتىن بولادى، وعان سۇرانىس تاۋلىگىنە 840 مىڭ باررەلگە ارتادى، دەلىنگەن ح ە ا ەسەبىندە.
اگەنتتىك سونداي-اق 2023-جىلى الەمدىك مۇناي جەتكىزىلىمىنىڭ ءوسىمى تاۋلىگىنە 1 ميلليون باررەلگە دەيىن باياۋلايدى دەپ بولجاپ وتىر.
الدىڭعى جىلى بۇل كورسەتكىش 4,7 ميلليون باررەلگە ارتقان بولاتىن. وپەك + قۇرامىنا كىرمەيتىن ەلدەر بيىل مۇناي ۇسىنىسىن تاۋلىگىنە 1,9 ميلليون باررەلگە ۇلعايتادى، ال وپەك+ ەلدەرىنىڭ ۇسىنىسى رەسەيدە ءوندىرىستىڭ تومەندەۋىنە بايلانىستى تاۋلىگىنە 870 مىڭ باررەلگە قىسقارادى. ح ە ا مالىمەتىنشە، بيىل جەتكىزىلىم ءوسىمى بويىنشا ا ق ش كوش باستاپ وتىر، ودان كەيىن ەكىنشى جىل قاتارىنان «قارا التىن» ءوندىرىسىنىڭ جىلدىق رەكوردىن ورناتقان كانادا مەن برازيليا تۇر. باياندامادا الەمدىك باقىلاناتىن مۇناي قورى قاراشا ايىندا 79,1 ميلليون باررەلگە ءوسىپ، 2021-جىلدىڭ قازان ايىنان بەرگى ەڭ جوعارى دەڭگەيگە جەتكەنى اتاپ ءوتىلدى.
الايدا، 2023-جىلدىڭ باسىندا مۇناي قورىنىڭ بالانسى باتىستىڭ رەسەي ەكسپورتىنا سانكسيالارىنىڭ ىقپالىنان تەز ناشارلاۋى مۇمكىن. تاۋار نارىعى، اسىرەسە ديزەل وتىنى مۇنايعا دەگەن سۇرانىستىڭ وسۋىنە بايلانىستى ەڭ ۇلكەن قاۋىپ-قاتەرگە ۇشىراماق.