وڭتۇستىك كورەيادان «جاسىل ءدالىز» ارقىلى قانشا قازاقستاندىق ەلگە ورالدى

«شامامەن ءبىر اي بۇرىن العان سوڭعى دەرەكتەر بويىنشا، ءبىزدىڭ وڭتۇستىك كورەياداعى زاڭسىز ەڭبەك ميگرانتتارىنىڭ سانى قىسقاردى. ءبىزدىڭ شامامەن 7-8 مىڭ ءبىزدىڭ ازاماتىمىز ول ەلدە زاڭسىز ءجۇر. بۇرىن 11-12 مىڭداي بولعان. ياعني، كوبى وسى «جاسىل ءدالىزدى» پايدالانعان. جالپى ولار جاسىل ءدالىزسىز-اق اتالعان ەلدەن ەركىن شىعا الادى. سونىمەن بىرگە، كورەيا ەلشىلىگى ارنايى رۇقسات بەرۋ پراكتيكاسىن ەنگىزدى. وڭتۇستىك كورەياعا ۆيزاسىز رەجيممەن كىرمەس بۇرىن بارلىق قاجەتتى قۇجاتتاردى وتكىزۋ كەرەك. بۇل - اۋە بيلەتتەرى، مەديتسينالىق ساقتاندىرۋ، كەرى باعىتقا العان بيلەت پەن قوناق ءۇي برونداعانى تۋرالى قۇجاتتار. سوندىقتان ءبىزدىڭ ازاماتتار بۇرىنعى سياقتى ول ەلگە بارىپ الىپ، قالىپ قويا المايدى»، - دەدى ايبەك سمادياروۆ.