الماتىداعى «التىن وردا» بازارىنىڭ بۇرىنعى باسشىلارىنا حالىقارالىق ىزدەۋ جاريالاندى

الماتى. قازاقپارات - الماتى ماڭىنداعى «التىن وردا» بازارىنىڭ بۇرىنعى باسشىلىعىنا حالىقارالىق ىزدەۋ جاريالاندى، دەپ حابارلايدى قازاقپارات ءتىلشىسى.

كۇدىكتىلەردى الماتى وبلىسى قاراساي اۋدانىنىڭ كريمينالدىق پوليتسيا ءبولىمى ىزدەپ جاتىر.

دانيار ءاپدىعاپاروۆقا 1982 -جىلى تۋعان، جۇمادين پاتوۆقا، 1982 -جىلى تۋعان، قانات جاقايەۆقا، 1984 -جىلى تۋعان، سونىمەن قاتار ايدوس نۇرقاليەۆقا، 1986 -جىلى تۋعان قازاقستان رەسپۋبليكاسىنىڭ قىلمىستىق كودەكسىنىڭ 190-بابى بويىنشا حالىقارالىق ىزدەۋ جاريالاندى.

«قازىرگى ۋاقىتتا جوعارىدا اتالعان تۇلعالاردى ۇستاپ، قاراساي اۋدانىنىڭ ۋاقىتشا ۇستاۋ يزولياتورىنا ورنالاستىرۋ بويىنشا جەدەل-ىزدەستىرۋ شارالارى جۇرگىزىلۋدە. ناتيجەلەرى كەيىنىرەك حابارلانادى»، - دەپ اتاپ ءوتتى ۆەدومستۆودان.