الەمگە ايگىلى «ايۋدىڭ» يىعىنا قازاق شاپانى جابىلدى

الەمدە اتى اڭىزعا اينالعان دزيۋدوشى الماتىدا قازاقستاندىق سپورتشىلارمەن وقۋ-جاتتىعۋ جيىنىن وتكىزىپ جاتىر.

رينەر وقۋ-جاتتىعۋ جيىنىنا تاجىريبە الماسۋ جانە قازاقستاندىق دزيۋدوشىلاردىڭ شەبەرلىگىن ارتتىرۋ ماقساتىندا كەلدى. لاگەر فرانسيا فەدەراتسياسىمەن بىرلەسىپ وتكىزىلەدى.

بويى 205 سانتيمەترلىك اتاقتى سپورتشىنىڭ لاقاپاتى - «تەددي ايۋ».

رينەر دزيۋدودان الەم چەمپيوناتتارى تاريحىنداعى تيتۋلى كوپ سپورتشى، ول فرانسيادا ءۇش رەت جىل سپورتشىسى بولىپ تانىلدى (2012، 2016، 2017). رينەر 100 كەلىدەن جوعارى سالماقتا ونەر كورسەتەدى.