ۇلتتىق بانكتە وتكەن بريفينگتە ب ا ق وكىلدەرى عالىمجان ءپىرماتوۆتان: «زەينەتاقى وسسە ازىق- تۇلىككە دە باعا قوسىلادى. ءسىزدىڭ بولجامىڭىز قانداي؟ قازاقستان ازاماتتارى نە كۇتە الادى؟» ، - دەپ سۇراعان ەدى.
ساۋالعا جاۋاپ بەرگەن ول ۇلتتىق بانك اقشا- كرەديت ساياساتىن جۇرگىزگەن كەزدە ينفلياتسيانى قاداعالاۋ ءۇشىن سۇرانىس پەن ۇسىنىستىڭ اراسىنداعى تەپە- تەڭدىكتى تابۋعا تىرىساتىندىعىن اتاپ ءوتتى.
«ارينە، ۇسىنىس ءوسىپ جاتقان سۇرانىستى دەر كەزىندە قامتاماسىز ەتە المايتىن بولسا، وندا باعا وسەدى. سوندىقتان بازالىق مولشەرلەمەنى كوتەرۋ ارقىلى حالىقتىڭ ارتىق سۇرانىسىن شەكتەۋگە بولادى. سۇرانىس كوبىرەك وسە بەرسە، ال ۇسىنىس دەر كەزىندە قامتاماسىز ەتىلمەسە باعا وسەدى»، - دەدى ۇلتتىق بانك ءتوراعاسى.