«ينفلياتسيا بولجامدى تراەكتورياعا بايلانىستى قالىپتاسۋىنا قاراماستان، پروينفلياتسيالىق تاۋەكەلدەر ساقتالىپ وتىر. ينفلياتسيانىڭ نەگىزگى تاۋەكەلدەرى: ساۋدا قۇرىلىمىنىڭ وزگەرۋى، جەدەلدەگەن ينفلياتسيالىق كۇتۋلەر، جوعارى ازىق- تۇلىك ينفلياتسياسىنىڭ ساقتالۋى، اكىمشىلىك رەتتەۋ كەزەڭىنەن كەيىن رەتتەلەتىن تاۋارلار مەن قىزمەتتەر ينفلياتسياسىنىڭ ارتۋى، ۋكرايناداعى سوعىسقا قاتىستى بەلگىسىزدىك. الەمدەگى ىقتيمال رەتسەسسيا كەزىندە سىرتقى سۇرانىس ءبىز بولجاعانعا قاراعاندا تومەن بولۋى مۇمكىن. لوگيستيكا شارتتارى دا بەلگىسىزدىك تۋدىرىپ وتىر. مۇنىڭ بارلىعى مۇناي باعاسىنىڭ بولاشاقتاعى دەڭگەيىنە، ەكونوميكانىڭ ءوسۋ تراەكتورياسىنا ىقپال ەتۋى مۇمكىن»، - دەدى ق ۇ ب ءتوراعاسى ب ا ق وكىلدەرىنە ارنالعان بريفينگىدە.
ونىڭ اتاپ وتۋىنشە، ينفلياتسيا بازالىق سەناريگە سايكەس قالىپتاساتىنىن ەسكەرىپ جانە تاۋەكەلدەر بالانسىن نازارعا الا وتىرىپ، ۇلتتىق بانك بازالىق مولشەرلەمەنى كوتەرۋ سيكلىنىڭ اياقتالۋعا جاقىنداعانى تۋرالى ۇستانىمىن ساقتايدى. جاڭا شوكتار بولماسا بازالىق مولشەرلەمەنى ودان ءارى ارتتىرۋ الەۋەتى شەكتەۋلى.
«ينفلياتسيالىق كۇتۋدىڭ جوعارى دەڭگەيدە تۇراقتالۋىنىڭ پروينفلياتسيالىق تاۋەكەلدەرىن ەسكەرە وتىرىپ، بازالىق مولشەرلەمەنى ۇزاق ۋاقىت بويى وسى ماندە ۇستاپ تۇرۋ تالاپ ەتىلەدى. اقشا- كرەديت ساياساتىن جەڭىلدەتۋ ينفلياتسيا مەن ينفلياتسيالىق كۇتۋ تۇراقتانعان كەزدە مۇمكىن بولادى. بۇل ورتا مەرزىمدى پەرسپەكتيۆادا نىسانالى باعدارعا جەتۋگە مۇمكىندىك بەرەدى»، - دەدى عالىمجان ءپىرماتوۆ.