بۇل تۋرالى ەلوردا تۇرعىندارىمەن كەزدەسكەن قارجى ۆيتسە-ءمينيسترى ەرجان ءبىرجانوۆ ايتتى، دەپ حابارلايدى قازاقپارات ءتىلشىسى.
«بانكروتتىق ءار ازاماتتىڭ ەركىمەن جۇزەگە اسىرىلادى. مىسالى، ءۇشىنشى جاقتاعى تۇلعالار وزگە ادام ءۇشىن بانكروتتىقتى قوزعاي المايدى. تەك قانا ءار ازاماتتىڭ ەركى بولۋى كەرەك بۇل. سەبەبى، بانكروتتىق دەگەن قارىزدى كەشىرۋ اكسياسى ەمەس. ونى ازاماتتار ءتۇسىنۋى كەرەك. ويتكەنى، ونىڭ زاڭمەن رەتتەلەتىن ءوزىنىڭ سالدارى بار. بانكروت دەپ تانىلعان ادامدار 5 جىل نەسيە الا المايدى. سونىمەن بىرگە 7 جىلدىڭ ىشىندە ءوزىن قايتادان بانكروت دەپ تانۋعا جاتپايدى»، - دەپ اتاپ ءوتتى ەرجان ءبىرجانوۆ.
ونىڭ مالىمەتىنشە، قازاقستاندىقتار 3- ناۋرىزدان باستاپ بانكروتتىققا ءوتىنىش بەرە الادى.
جالپى بانكروتتىق تۋرالى زاڭ ءراسىمنىڭ ءۇش ءتۇرىن كوزدەيدى. ولار - سوتتان تىس بانكروتتىق، سوت ارقىلى بانكروتتىق جانە تولەم قابىلەتتىلىگىن قالپىنا كەلتىرۋ.