ۆيتسە- مينيستر زەينەتكە شىعۋ جاسىن ءار بالا ءۇشىن تومەندەتۋ تۋرالى ۇسىنىسقا پىكىر ءبىلدىردى
«وزدەرىڭىز بىلەسىزدەر، بىزدە جيناقتاۋشى زەينەتاقى جۇيەسى جۇمىس ىستەيدى. ازاماتتىڭ بولاشاعىن الەۋمەتتىك قامسىزداندىرۋ جاۋاپكەرشىلىگى مەملەكەت، جۇمىس بەرۋشى جانە جۇمىسشى اراسىندا بولىنگەن. ەگەر ايەل دۇنيەگە اكەلگەن بالاسىنىنىڭ سانىنا قاراي زەينەتكە ەرتە شىعاتىن بولسا، جەتكىلىكتى مولشەردە زەينەتاقى قورىن جيناقتاپ ۇلگەرمەيدى. قازىر ايەلدەردىڭ زەينەتكە شىعۋ جاسى 61 جاسپەن شەكتەلىپ تۇر. ەندى ول جاستى ءار بالا ءۇشىن ەكى جىلدان قىسقارتۋ ۇسىنىلىپ وتىر. مىسالى، بەس بالاسى بولسا، 51 جاستا زەينەتكە شىعۋى كەرەك. بۇل كەزەڭدە ول جەتكىلىكتى سومانى جيناپ ۇلگەرمەيدى»، - دەدى ۆيتسە- مينيستر ۆەدومستۆونىڭ كەڭەيتىلگەن القا ماجىلىسىندە.
ونىڭ پايىمىنشا قازىر ەلىمىز قولدانىپ وتىرعان ءۇش دەڭگەيلى زەينەتاقى جۇيەسى ازاماتتارعا اقىلعان قونىمدى زەينەتاقى تاعايىنداۋعا مۇمكىندىك بەرىپ تۇر.
«قازىر باستى ماقساتىمىز - زەينەت جاسىنا جەتكەن تۇلعالاردىڭ ءبارىنىڭ اقىلعا قونىمدى زەينەتاقى الۋىن قامتاماسىز ەتۋ. ەگەر ايەلدەر زەينەتكە ەرتە شىعاتىن بولسا، بازالىق زەينەتاقى مەن وزدەرى جيناقتاپ ۇلگەرگەن سومانى عانا الا الادى. ياعني، زەينەتاقى مولشەرى جوعارى بولمايدى»، - دەدى نازگۇل ساعىندىقوۆا.
ەسكە سالساق، ءماجىلىس دەپۋتاتى امانجان جامالوۆ ايەلدەردىڭ زەينەتكە شىعۋ جاسىن بالا سانىنا قاراي تومەندەتۋدى ۇسىنعان بوالتىن.