كەش ۇيىقتاۋدى ادەتكە اينالدىرۋدىڭ قانداي قاۋىپتەرى بار؟

استانا. قازاقپارات - ءجيى تۇنگە دەيىن جۇمىستاردى اياقتاپ، وتىرىپ قالامىز، تۇنىمەن تەلەفون اقتارىپ جاتامىز نەمەسە دوستارمەن كەزدەسۋدەن ءتۇننىڭ ءبىر ۋاعىندا كەلەمىز.

وسىلايشا، بىزگە قاجەت ۇيقىنى كەيىنگە شەگەرەمىز. ال ۇنەمى بۇلاي كەش جاتۋدان اعزامىز قينالىپ جاتىر. ۇيىقتاۋعا تۇنگى 00:00-دەن كەيىن جاتۋ ادەتكە اينالىپ كەتسە، نە بولادى؟

بيولوگيالىق ىرعاقتار بۇزىلادى. سونداي-اق مەلاتونين ءوندىرۋ جيىلىگى بۇزىلادى. ەگەر ادام جۇمىس كۇندەرى دە، دەمالىس كۇندەرى دە كەش جاتاتىن بولسا، اعزا ۇنەمى كۇيزەلىستە بولادى.

سالماق ارتادى. سەبەبى گليۋكوزانى جويۋ بۇزىلادى. سونداي-اق ۇيقى قانباسا، اعزا ەنەرگەتيكالىق قاجەتتىلىكتىڭ ورنىن تولتىرىپ، تابەتتى ارتتىراتىن گرەلين گورمونىن وڭدەيدى. سول ءۇشىن ادام سالماق قوسادى.

قانت ديابەتى قاۋپى ارتادى. وعان قوسا، ينسۋلين گورمونىنىڭ گليۋكوزا دەڭگەيىنە اسەر ەتۋ قابىلەتى تومەندەيدى، ياعني II ءتيپتى قانت ديابەتى پايدا بولۋى مۇمكىن.

جۇرەك-قان تامىرلار اۋرۋلارى قاۋپى ارتادى. اتەروسكلەروتيكالىق تۇيىنشەكتەر ءوسىپ كەتەدى، سايكەسىنشە، جۇرەك-قان تامىرلار اۋرۋلارى قاۋپى ارتادى.

يممۋنيتەت السىرەيدى. ادام ۇيىقتاپ جاتقاندا يممۋندى جۇيە اعزانى قابىنۋلار مەن جۇقپالاردان قورعايتىن زاتتار بولەدى. ۇيقى جەتىسپەسە، ولاردىڭ مولشەرى ازايادى دا، ونكولوگيالىق اۋرۋلار قاۋپى ارتادى.

ەستە ساقتاۋ ناشارلايدى. ويلاۋ، ەستە ساقتاۋ، زەيىن قويۋ السىرەيدى، سەبەبى جاڭا اقپاراتتى وڭدەۋ پروتسەسى بۇزىلادى.

جاعىمسىز سالدارلار ورىن الماس ءۇشىن 00:00-گە دەيىن جاتىپ قالۋعا تىرىسىڭىز. ونى ادەتكە اينالدىرۋ قيىن ەمەس:

- ۇيىقتاۋعا 3 ساعات قالعاننان باستاپ تاماقتانباڭىز جانە الكوگول ىشپەڭىز؛

- كۇندىز جارىق تەراپياسى قاجەت: تازا اۋادا كوبىرەك ءجۇرىڭىز؛

- ۇيىقتارعا 1 ساعات قالعاننان باستاپ ۇيالى تەلەفون جانە تەلەديدار قاراماڭىز؛

- ۇيىقتارعا 1 ساعات قالعاندا بولمەنىڭ جارىعىن ازايتا باستاڭىز؛