بۇل تۋرالى گرەكيانىڭ ERT مەملەكەتتىك ارناسى مالىمدەدى، دەپ حابارلايدى قازاقپارات Euronews اگەنتتىگىنە سىلتەمە جاساپ.
كورول پاۆەل مەن گرەكيا كوروليەۆاسى فرەدەريكانىڭ جالعىز ۇلى مارقۇم كورول 1964 -جىلى تاققا وتىرعان بولاتىن.
ول توعىز جىل ەل باسقارعاندا ەلدىڭ ساياسي تاريحىندا ۇلكەن وزگەرىس بولدى، 1967 -جىلى 21-ساۋىردە اسكەري توڭكەرىس بولىپ، بۇل اسكەري حۋنتانىڭ ورناۋىنا اكەپ سوقتى.
بىرنەشە اي وتكەن سوڭ كونستانتيننىڭ حۋنتاعا قارسى توڭكەرىسى ساتسىزدىككە ۇشىراپ، ول گرەكيادان قاشۋعا ءماجبۇر بولادى.
مارقۇم كورول قارا پولكوۆنيكتەر رەجيمى 1973 -جىلى تاراعانشا ريمدە بولدى.
حۋنتا قۇلاعاننان كەيىن دە 1974 -جىلى مونارحيا قالپىنا كەلمەدى: كونستانتينوس كارامانليا باستاعان ۇلتتىق بىرلىك ۇكىمەتى شاقىرعان رەفەرەندۋمدا گرەكتەر ەكىنشى رەت مونارحيادان باس تارتتى.
وسىلايشا II كونستانتين گرەكيانىڭ سوڭعى كورولى اتاندى. كەيىنىرەك افينا ونى ازاماتتىعىنان ايىردى.
2002 -جىلى كونستانتين مەن ونىڭ وتباسى مۇشەلەرى گرەكياداعى بۇرىنعى جەكە مەنشىگى، ناقتىراق ايتقاندا افينادان سولتۇستىككە قاراي تاتوي سارايى مەن كورفۋ ارالىنداعى ۆيللاعا وتەماقى رەتىندە 13,7 ميلليون ەۋرو الدى.
قازىر ۆيللا عيماراتى مۋزەيگە اينالعان.
افينا ورتالىعىندا سوڭعى رەت حالىق الدىنا شىققان كورول مۇگەدەكتەرگە ارنالعان كرەسلودا وتىردى، جانىندا يسپانيانىڭ بۇرىنعى كوروليەۆاسى سوفيا مەن باسقا تۋىستارى بولدى.
سوزىلمالى جۇرەك اۋرۋى مەن قوزعالىس از بولعاندىقتان كونستانتيننىڭ جاعدايى ناشارلاپ، ءومىرىنىڭ كەيىنگى ايلارىندا بىرنەشە رەت اۋرۋحاناعا جاتقان بولاتىن.