باقىت مارات ۇلى 1979-جىلى شىعىس قازاقستان وبلىسى كۇرشىم اۋدانى قالجىر اۋىلىندا تۋعان. شىعىس قازاقستان مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا ءبىتىردى.
ەڭبەك جولىن شىعىس قازاقستان مەملەكەتتىك ۋنيۆەرسيتەتىنىڭ قىلمىستىق قۇقىق جانە قىلمىستىق پروتسەسس كافەدراسىندا وقىتۋشىلىقتان باستادى. 2003-جىلدىڭ مامىر ايىنان قازاقستان رەسپۋبليكاسىنىڭ كونستيتۋتسيالىق كەڭەسىندە: قۇقىق ءبولىمىنىڭ كونسۋلتانتى، قۇقىقتىق قامتاماسىز ەتۋ ءبولىمىنىڭ باس كونسۋلتانتى، باس ساراپشى، باس كونسۋلتانت، قۇقىقتىق ساراپتاما ءبولىمى تالداۋ سەكتورىنىڭ مەڭگەرۋشىسى، ءتوراعانىڭ كەڭەسشىسى. 2008-2017-جىلدارى نەگىزگى قىزمەتىمەن قوسا ەۋروپا كەڭەسىنىڭ «قۇقىق ارقىلى دەموكراتيا ءۇشىن» ۆەنەتسيا كوميسسياسىنىڭ بايلانىس بويىنشا وفيتسەرى فۋنكسيالارىن اتقاردى.
ول وتكەن جىلى 31- جەلتوقساندا مەملەكەت باسشىسى قاسىم-جومارت توقايەۆتىڭ جارلىعىمەن كونستيتۋتسيالىق سوتتىڭ سۋدياسى بولىپ تاعايىندالدى.
سونىمەن قاتار كونستيتۋتسيالىق سوتتىڭ ءتوراعاسى ەلۆيرا ءابىلحاسىم قىزى ازيموۆا بولدى.