فۋتبولدان پورتۋگاليا قۇراماسىنىڭ باس باپكەرى تاعايىندالدى
Championat.com سايتىنان الىنعان مالىمەتكە قاراعاندا، بۇل تۋرالى پورتۋگاليا فۋتبول فەدەراتسياسىنان حابارلادى.
ر. مارتينەس وسىعان دەيىن 2014-2022-جىلدارى پورتۋگاليانى جاتتىقتىرعان پورتۋگاليالىق مامان فەرناندۋ سانتۋشتى الماستىرادى.
قاتاردا وتكەن الەم چەمپيوناتىندا ف. سانتۋشتىڭ شاكىرتتەرى شيرەك فينالدا ماروككو قۇراماسىنا 0:1 ەسەبىمەن جول بەرگەن ەدى.
49 جاستاعى مارتينەس 2016-2022-جىلدارى بەلگيا قۇراماسىنىڭ تىزگىنىن ۇستادى. الەم چەمپيوناتىنان كەيىن ول دا سانتۋش سەكىلدى ءوز ورنىن بوساتقان ەدى.
مارتينەستىڭ حالىقارالىق دەڭگەيدەگى ەڭ ءىرى تابىسى - بەلگيا قۇراماسىمەن قول جەتكىزگەن 2018-جىلى رەسەيدە وتكەن الەم بىرىنشىلىگىنىڭ قولا جۇلدەسى. ول سونداي-اق «سۋونسي»، «ۋيگان» جانە «ەۆەرتون» كلۋبتارىن جاتتىقتىردى.
ەسكە سالا كەتەيىك، بۇدان بۇرىن ديدە دەشامنىڭ فرانتسيا قۇراماسىن 2026-جىلعا دەيىن جاتتىقتىراتىنىن جازعان ەدىك.
سونداي-اق فرانسيا فۋتبول فەدەراتسياسى پرەزيدەنتىنىڭ زينەدين زيدانعا قاتىستى سوزىنەن داۋ شىقتى.