بۇل تۋرالى اشىق تالقىعا شىعارىلعان «ق ر كەيبىر زاڭنامالىق اكتىلەرىنە قىلمىستىق، قىلمىستىق- پروتسەستىك جانە قىلمىستىق-اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسىندا جازىلعان، دەپ حابارلايدى قازاقپارات ءتىلشىسى.
«ازاماتتاردىڭ دەربەس دەرەكتەرىن نەمەسە قازاقستان رەسپۋبليكاسىنىڭ زاڭدارى نەمەسە ولاردىڭ مەنشىك يەسى نەمەسە يەلەنۋشىسى قولجەتىمدىلىكتى شەكتەگەن وزگە دە مالىمەتتەردى قامتيتىن ەلەكتروندىق اقپاراتتىق رەسۋرستاردى قۇقىققا سىيىمسىز تاراتۋ - بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان 2 جىلعا دەيىنگى مەرزىمگە ايىرۋمەن جازالانادى. سونىمەن بىرگە 400 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نە 400 ساعاتقا دەيىنگى مەرزىمگە قوعامدىق جۇمىستارعا تارتىلادى. بۇعان قوسا، 1 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋمەن جازالانادى»، - دەپ كورسەتىلگەن قۇجاتتا.
قولدانىستاعى زاڭدا مۇنداي قىلمىستار ءۇشىن قانداي دا ءبىر قىزمەتپەن اينالىسۋ قۇقىعىنا 3 جىلعا دەيىن شەكتەۋ قويىلادى نەمەسە 200 ا ە ك- كە دەيىن ايىپپۇل سالىنادى. سونداي-اق، كىنالى 180 ساعاتقا تۇزەۋ جۇمىستارىنا تارتىلادى نە بولماسا 50 تاۋلىككە دەيىن قاماۋعا الىنادى.