ەلىمىزدەن تۇركيا مەن وزبەكستانعا اقشا اۋداراتىندار كوبەيگەن
قازاقستاننان شەتەلگە قارجى جىبەرۋ اقشا اۋدارىمى جۇيەسى ارقىلى جۇزەگە اسقان.
وتكەن جىلدىڭ قاڭتار- قاراشا ايلارىندا حالىقارالىق اقشا اۋدارىمى جۇيەسى ارقىلى شەتەلگە 962,7 ميلليارد تەڭگە جونەلتىلدى.
بۇل 2021 -جىلدىڭ سايكەس كەزەڭىمەن سالىستىرعاندا %4,5 عا ارتىق.
ترانزاكسيالار سانى %2,6 عا، 11 ايدا 2,3 ميلليونعا دەيىن قىسقاردى. بۇل شەتەلگە جىبەرىلەتىن ءبىر اۋدارىمنىڭ ورتاشا چەگىن 391,5 مىڭنان 419,9 مىڭ تەڭگەگە دەيىن ۇلعايتتى.
2022 -جىلعى قاڭتار- قاراشادا قازاقستاننان شەتەلگە جونەلتىلگەن قارجى اۋدارىمىنىڭ جارتىسىنان كوبى وزبەكستان مەن تۇركياعا جونەلتىلدى. تەڭگەمەن 276 ميلليارد جانە 250,5 ميلليارد.
بۇل رەتتە وزبەكستانعا اۋدارىم كولەمى وتكەن جىلمەن سالىستىرعاندا %0,9 عا، ال تۇركياعا بىردەن 2,4 عا ۇلعايدى.
سونداي- اق، اقشا اۋدارىمىنىڭ ەداۋىر كولەمى رەسەيگە (175,6 ميلليارد تەڭگە) جانە قىرعىزستانعا (71,6 ميلليارد تەڭگە) جىبەرىلدى.
گرۋزياعا جونەلتىلەتىن اۋدارىمنىڭ دا ايتارلىقتاي وسكەنى بايقالدى. ياعني 2,5 ەسە نەمەسە 64,8 ميلليارد تەڭگەگە دەيىن.
تۇركيا مەن گرۋزيا موبيليزاتسيادان قاشقان رەسەيلىكتەر ءۇشىن تانىمال باعىتتار ەكەنىن اتاپ وتكەن ءجون.
اقشا اۋدارىم جۇيەسى بويىنشا وتكەن جىلى قاڭتار- قاراشادا ەلىمىزدەن شەتەلگە جونەلتىلگەن قاراجاتتىڭ جالپى كولەمىنىڭ v,7 تەك رەسەيلىك «التىن تاجگە» (زولوتايا كورونا) تيەسىلى. ياعني 738,5 ميلليارد تەڭگە.
ودان كەيىن Contact (128,9 ميلليارد تەڭگە) جانە Western Union (59,9 ميلليارد تەڭگە) جۇيەسى تۇر.