جاڭا ەرەجەگە سايكەس، ق ح ر اۋماعىنا كىرۋ ءۇشىن كەلەردەن 48 ساعات بۇرىن تاپسىرىلعان، كوروناۆيرۋستىڭ جوق ەكەنىن دالەلدەيتىن تەست ناتيجەسىن كورسەتۋ جەتكىلىكتى. كوروناۆيرۋس انىقتالماعان جاعدايدا ولار قىتايعا دەنساۋلىق جاعدايى تۋرالى كەدەندىك دەكلاراتسيانى تولتىرۋ كەزىندە ق ح ر- دىڭ شەتەلدەگى ديپلوماتيالىق وكىلدىگىنەن دەنساۋلىق كودىن سۇراتپاي كىرە الادى. ال پ ت ر- تەست ۆيرۋستىڭ بار ەكەنىن كورسەتسە، ساپارىن جازىلعانشا شەگەرە تۇرۋدى ۇسىنادى.
2022 -جىلدىڭ جەلتوقسانىنىڭ سوڭىندا ق ح ر دەنساۋلىق ساقتاۋ ىستەرى مەملەكەتتىك كوميتەتى COVID-19-دى «ا» جوعارى ساناتتى ينفەكتسيالىق اۋرۋلار تىزىمىنەن الىپ تاستاعانىن حابارلادى. وسىعان بايلانىستى 8-قاڭتاردان باستاپ كوۆيدكە قارسى شەكتەۋلەر مەن قىتايعا كەلگەن اۋە رەيستەرى مەن جولاۋشىلارعا قويىلعان تالاپتار، سونداي- اق ءبىر ورتالىققا كارانتينگە جاتقىزۋ مەن كوروناۆيرۋستىڭ بار- جوعىن انىقتايتىن پ ت ر- تەست تاپسىرۋ الىنىپ تاستالادى.
قىتاي 24, 72 جانە 144 ساعات ىشىندەگى ۆيزاسىز ترانزيت شارالارىن قالپىنا كەلتىرىپ، ەلگە ۋاقىتشا كىرۋگە رۇقسات بەرەدى.
سونىمەن قاتار، قىتاي بيلىگى قۇرلىقتاعى شەكارا بەكەتتەرى ارقىلى بايلانىسۋدى قالپىنا كەلتىرەدى. 8-قاڭتاردان باستاپ ەلدىڭ شەكارا ايماقتارىندا كىرۋگە جانە شىعۋعا رۇقسات قاعازىن جاساۋ باستالادى.
وعان قوسا، بۇگىننەن باستاپ ق ح ر ازاماتتارىنان شەتەلگە تۋريست رەتىندە ساپارلاۋ ءۇشىن پاسپورت الۋعا ءوتىنىش قابىلداۋ قايتا جانداندى.
قۇرلىقتىق قىتاي مەن گونكونگ اراسىنداعى قاراپايىم جولاۋشىلار تاسىمالى دا قالپىنا كەلتىرىلدى.
وتكەن اپتادا ونداعان ەل قىتايدان كەلەتىن جولاۋشىلارعا COVID-19 تەستىن تاپسىرۋدى ەنگىزدى، بەيجىڭ بۇل ارەكەتتى سىنعا الدى. ناقتىراق ايتقاندا ا ق ش، فرانسيا، اۋستراليا، كانادا، ۇلى بريتانيا، جاپونيا مەن ينديا قىتايدان كەلەتىن ازاماتتارعا COVID-19-دى انىقتايتىن تەستتى جانە باسقا دا ەرەجەلەردى مىندەتتەدى. ماروككو ەڭ قاتاڭ شارالاردىڭ ءبىرىن قولداندى - قىتايدان كەلگەن ساياحاتشىلاردىڭ بارىنە ەلگە كىرۋگە تىيىم سالدى.
بۇعان دەيىن قىتايدا كۇن سايىن كوۆيد تۋرالى دەرەكتەردى جاريالاۋدى توقتاتقان بولاتىن. دەنساۋلىق تۋرالى مالىمەت جينايتىن Airfinity بريتاندىق كومپانياسىنىڭ زەرتتەۋى بويىنشا، قىتايدا COVID تەن قايتىس بولعاندار سانى كۇنىنە 9 مىڭ ادامعا دەيىن جەتكەن. پاندەميا باستالعالى قح ر- دا 5267 ادام كوروناۆيرۋس سالدارىنان ومىردەن ءوتتى.
قىتاي ەلدەردىڭ ەپيدەمياعا قارسى شارالارى عىلىمي زەرتتەۋگە نەگىزدەلىپ، سوعان ساي بولۋ كەرەك، سونداي- اق ادامدار اراسىنداعى قالىپتى الماسۋ پروتسەسى مەن سەرىكتەستىككە اسەر ەتپەۋى كەرەك دەپ ەسەپتەيدى. بۇل تۋرالى ق ح ر سىرتقى ىستەر مينيسترلىگىنىڭ رەسمي وكىلى ماو نين مالىمدەدى. قىتايدان كەلگەن ازاماتتارعا كۇشەيتىلگەن جانە شەكتەۋ شارالارىن ەنگىزۋ قازاقستاننىڭ جوسپارىندا جوق.