بىزگە ۇيرەنشىكتى كەي ونىمدەر تاماقتىڭ تەز جازىلۋىنا كەدەرگى كەلتىرەدى. ەندەشە، تاماعىڭىزدىڭ اۋىرىپ نەمەسە قىشىپ تۇرعانىن سەزسەڭىز، قانداي تاماقتاردان باس تارتقان ءجون؟
قىتىرلاق تىسكەباسارلار
چيپسى، كرەكەر، قىتىرلاق نان جانە وسىلار سەكىلدى باسقا دا تىسكەباسارلار قاتتىلىعى ءۇشىن تۇماۋدىڭ جاعىمسىز بەلگىلەرىن كۇشەيتەدى.
اشتى تاماق
تاماعىڭىز اۋىرىپ تۇرعان كەزدە راتسيونىڭىزدان بارلىق اشى تۇزدىقتار مەن تىسكەباسارلاردى الىپ تاستاڭىز. ولار تاماقتىڭ اۋىرۋى مەن جوتەلدى ودان ءارى ۋشىقتىرىپ جىبەرەدى.
سيترۋستى جەمىستەر
سيترۋستى جەمىستەر س دارۋمەنىنە باي جانە ولار يممۋنيتەتتى قاتايتادى. ءبىراق ءوزىنىڭ قىشقىلدىعى ءۇشىن تاماقتىڭ قىشۋىن جانە تىتىركەنۋىن كۇشەيتىپ جىبەرەدى. سوندىقتان ەگەر تاماقتىڭ اۋىرۋى - اۋرۋىڭىزدىڭ نەگىزگى بەلگىسى بولسا، ليموندار مەن اپەلسيندەردەن باس تارتا تۇرىڭىز.
شيكى قاتتى كوكونىستەر
ءسابىز، بالدىركوك سەكىلدى قاتتى كوكونىستەردى جەمەي تۇرا تۇرىڭىز. ولار تىتىركەنىپ تۇرعان شىرىشتىنى ودان ءارى جاراقاتتاپ، جازىلۋىنا كەدەرگى كەلتىرەدى. تاماعىڭىز اۋىرىپ تۇرعان كەزدە كوكونىستەردى بۇقتىرىڭىز. سونداي-اق ولاردان سمۋزي نەمەسە ەزبە دايىنداپ جەگەن دۇرىس.
قىزاناق جۇمساق كوكونىس بولعانىمەن، ول قىشقىل تاماققا جاتادى. سوندىقتان تاماق اۋىرعاندا ودان دا باس تارتا تۇرعان ءجون.
قۋىرىلعان تاماق
قاتتى قۋىرىلعان ونىمدەر تاماقتىڭ قوسىمشا تىتىركەنۋىن تۋىنداتادى. سوندىقتان اۋىرىپ جۇرگەن كەزدە سۋعا پىسكەن جانە بۇقتىرىلعان تاماقتار دايىنداعان ءجون.