سارىارقا اۋداندىق №2-سوتىنىڭ سۋدياسى نازگۇل باپاقوۆا قاراعان ءىس بارىسىندا ايىپتاۋشى تاراپ - «Qazaq Gaz» ا ق وكىلىنەن جانە ايىپتالۋشىلار - «ازياگازچۋندجا» ج ش س قۇرىلتايشىلارى قايرات بورانبايەۆ پەن رومان ناحانوۆتان جاۋاپ الىندى.
كۇدىكتىلەرگە سۇيىتىلعان مۇناي گازىن ساتىپ الۋ كەزىندە 14,5 ميلليارد تەڭگە ۇرلاۋ جانە قىلمىستىق كىرىستەردى زاڭداستىرۋ فاكتىلەرى بويىنشا ايىپتار تاعىلۋدا.
ەستەرىڭىزگە سالا كەتەيىك، قارجىلىق مونيتورينگ اگەنتتىگى قايرات بورانبايەۆتىڭ ۇستىنەن كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسىمەن ءىس قوزعاپ، يزولياتورعا قاماعان بولاتىن.
30-جەلتوقساندا قايرات بورانبايەۆقا قاتىستى سوت وتىرىسى باستالىپ، وندا «ازياگازچۋندجا» ج ش س قىلمىستىق ەپيزودى قارالعان ەدى.
سول كۇنى كۇدىكتىنىڭ ادۆوكاتى قورعاۋشىسىن ءۇيقاماقتا ۇستاۋدى ۇسىنىپ، سوت ۇسىنىستان باس تارتقان- دى.