بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىى رۋسلان جەلدىباي جازدى، دەپ حابارلايدى قازاقپارات.
«وتباسىڭىزعا زور اۋىرتپاشىلىق اكەلگەن قارالى حابار بارىمىزگە اۋىر ءتيدى. ۇلىڭىز ءاليحاننىڭ مەزگىلسىز ومىردەن وتۋىنە بايلانىستى قايعىڭىزعا ورتاقتاسىپ، كوڭىل ايتامىن.
اتا-انا ءۇشىن پەرزەنتىن جوعالتۋدان اسقان قاسىرەت جوق. مۇنداي وزەكتى ورتەيتىن جاعدايدا سابىر ساقتاپ، بەكەم بولىڭىز.
ۇلىڭىزدىڭ جانى ءجانناتتا، يمانى سالامات بولسىن! شاڭىراعىڭىزعا تەك جاقسىلىق تىلەيمىن!»، - دەلىنگەن جەدەلحاتتا.
ايتا كەتەيىك، اقىن سەرىكزات دۇيسەنعازىنىڭ 16 جاستاعى ءاليحان ەسىمدى تۇڭعىش ۇلى مەزگىلسىز قايتىس بولعان ەدى.الەۋمەتتىك جەلىدە اقىننىڭ ارىپتەستەرى، دوستارى قايعىسىمەن ءبولىسىپ، كوڭىل ايتىپ جاتىر. سەرىكزات دۇيسەنعازى وتباسىمەن جاڭاجىلدىق مەرەكەگە وراي دەمالىسقا بارعان. سول كەزدە ۇلى وقىستا شاڭعىدان قۇلاپ، قازا تاپقان.