استانادا اۋا رايىنىڭ قولايسىزدىعىنان ونداعان اۋە رەيسى كەشىگىپ جاتىر
10:38, 04 - قاڭتار 2023
استانا. قازاقپارات - ەلوردادا اۋا رايىنىڭ قولايسىزدىعىنان ۇشاقتار كەشىگىپ جاتىر، دەپ حابارلايدى قازاقپارات ءتىلشىسى.
اۋەجايدىڭ باسپا ءسوز قىزمەتىنىڭ حابارلاۋىنشا، جۇمىس شتاتتىق رەجيمدە ءجۇرىپ تۇر، دەگەنمەن كەيبىر اۋە رەيستەرى كەشىگۋدە.
«قازىر قونۋى ءتيىس 10 رەيس، ال ۇشىپ كەتۋى ءتيىس 18 رەيس كەشىگىپ جاتىر. وعان سەبەپ اۋا رايىنىڭ قولايسىزدىعى»، - دەيدى ەلوردا اۋەجايىنان.
سونداي-اق، اۋەجايدىڭ ۇشۋ-قونۋ جولاعىن قاردان تازارتۋ جۇمىسى ۇزدىكسىز جۇرگىزىلۋدە.
«جولاۋشىلاردان اباي بولۋدى، سونداي-اق وزەكتى اقپاراتتى اۆياكومپانيالار مەن اۋەجايدىڭ انىقتاما بولىمىنەن ءبىلۋدى سۇرايمىز»، - دەلىنگەن حابارلامادا.
اۆتور
داۋلەت ىزتىلەۋ