جاڭا جىل ءتۇنى استانادا وتشاشۋدىڭ كەسىرىنەن پاتەر بالكونى ورتەندى

الەۋمەتتىك جەلىلەردىڭ حابارلاۋىنشا، جاڭا جىل تۇنىندە تۇرعىندار ۇشىرعان پەتاردانىڭ ءبىرى ءۇيدىڭ بالكونىنا قاراي ۇشىپ، سوندا جارىلعان.

بۇل كەزدە پاتەردە ەشكىم بولماعان.

توتەنشە جاعدايلار دەپارتامەنتى وقيعاعا قاتىستى تۇسىنىكتەمە بەردى.

«1- قاڭتار كۇنى ساعات 00:20 دا 101 پۋلتىنە ناجىمەدەنوۆ كوشەسىندەگى 16-ۇيدەن ءورت شىققانى تۋرالى حابار كەلىپ ءتۇستى. ءورت ءسوندىرۋ بولىمشەلەرى جەتكەن كەزدە ءۇيدىڭ 11№ پاتەرىنىڭ بالكونىندا تۇرمىستىق زاتتار جانىپ جاتقانى انىقتالدى. جالىن 5 شارشى مەتر اۋماققا تارادى»، - دەپ حابارلايدى استانا قالالىق ت ج د.

ءورت ساعات 00:42 دە تولىق ءسوندىرىلدى.

ءورتتىڭ شىعۋىنا پيروتەحنيكالىق بۇيىمداردى جاندىرۋ سەبەپ بولعان، دەپ ناقتىلادى ۆەدومستۆودان. زارداپ شەككەندەر جوق.