فۋتبولدان قازاقستان قۇراماسىنىڭ باس باپكەرى «جىل باپكەرى» نوميناتسياسىندا ۇزدىك اتاندى
13:34, 01 - قاڭتار 2023
استانا. قازاقپارات - فۋتبولدان قازاقستان قۇراماسىنىڭ باس باپكەرى ماگومەد اديەۆ «جىل تاڭداۋى - التىن ادام» سىيلىعى اياسىندا «جىل باپكەرى» نوميناتسياسى بويىنشا ۇزدىك اتاندى، دەپ حابارلايدى قازاقپارات ءتىلشىسى.
رەسەيلىك مامان ەل قۇراماسىنىڭ باس باپكەرى قىزمەتىنە بيىل مامىر ايىندا تاعايىندالعان ەدى.
«ونىڭ جەتەكشىلىگىمەن قازاقستاندىق فۋتبولشىلار UEFA ۇلتتار ليگاسىندا ءوز توبىندا ءبىرىنشى ورىنمەن ۆ ليگاسىنا شىقتى. «جىل تاڭداۋى» ۇلتتىق سىيلىعى قازاقستاندا 2000-جىلدان باستاپ وتكىزىلىپ كەلەدى. جەڭىمپازدار حالىق اراسىندا جۇرگىزىلگەن ساۋالنامانىڭ قورىتىندىسى، ساراپشىلاردىڭ داۋىس بەرۋى، ۇيىمداستىرۋشىلاردىڭ تالداۋى جانە قازىلار القاسىنىڭ تاڭداۋى بويىنشا انىقتالادى»، - دەپ جازىلعان قازاقستان فۋتبول فەدەراتسياسى تاراتقان حابارلامادا.
ەسكە سالساق، «تاراز» الداعى جىلى ءبىرىنشى ليگادا وينايتىن بولدى.