بورانبايەۆتان باسقا، ونىڭ سەنىمدى ادامى رومان ناحانوۆقا، «قازمۇنايگاز» ۇ ك» ا ق بۇرىنعى باسقارۋشى ديرەكتورى يبۋللا سەرديگە (ماۋسىم ايىندا ىزدەۋ جاريالانعان) جانە «QazaqGaz» ۇ ك» ا ق باسقارما ءتوراعاسىنىڭ بۇرىنعى ورىنباسارى جانۇزاق تايىرعا دا ايىپ تاعىلدى.
ايىپتاۋ قورىتىندىسى بويىنشا، بۇل ادامدار 2019-جىلعى 1- شىلدەدەن باستاپ 2020-جىلعى 11- اقپانعا دەيىن «ازياگازچۋندجا» ج ش س مەن QazaqGaz اراسىندا جالپى سوماسى 141 ميلليارد 681 ميلليون 676 مىڭ تەڭگەگە كوتەرىلگەن قۇن بويىنشا 2,26 ميلليون تەكشە مەتر كولەمىندە تاۋارلىق گازدى جەتكىزۋ تۋرالى مامىلەلەر جاسادى.
«وسى ۋاقىت ارالىعىندا جانۇزاق سەردى، بورانبايەۆ، ناحانوۆ جانە باسقا دا ادامداردىڭ مۇددەسى ءۇشىن ارەكەت ەتە وتىرىپ، وزىنە سەنىپ تاپسىرىلعان اقشالاي قاراجاتتى تولەمدەر تىزىلىمىنە قول قويۋ ارقىلى ىسىراپ ەتكەن:
2019-جىلعى 1- تامىزعا 8 ميلليارد 442 ميلليون 721 مىڭ تەڭگە سوماسىندا؛
2019-جىلعى 26- تامىزداعى 11 ميلليارد 140 ميلليون 10 مىڭ تەڭگە سوماسىندا؛
2019-جىلعى 3- قىركۇيەكتەگى 15 ميلليارد 409 ميلليون 482 مىڭ تەڭگە سوماسىندا؛
2019-جىلعى 16- قازانداعى 24 ميلليارد 463 ميلليون 183 مىڭ تەڭگە سوماسىندا؛
2019-جىلعى 24- قازانداعى 1 ميلليون 831 مىڭ تەڭگە سوماسىندا؛
2019-جىلعى 7 -قاراشاداعى 19 ميلليارد تەڭگە سوماسىندا؛
2019-جىلعى 5- جەلتوقسانداعى 12 ميلليارد 510 ميلليون 724 مىڭ تەڭگە سوماسىندا؛
2019-جىلعى 13- جەلتوقسانداعى 7 ميلليارد 214 ميلليون 605 مىڭ تەڭگە سوماسىندا؛
2020-جىلعى 9- قاڭتارداعى 15 ميلليارد 73 ميلليون 479 مىڭ تەڭگە سوماسىندا؛
2020-جىلعى 23- قاڭتارداعى 14 ميلليارد 353 ميلليون 15 مىڭ تەڭگە سوماسىندا»، - دەدى مەملەكەتتىك ايىپتاۋشى.
سونداي-اق، ايىپتاۋشى تاراپ مالىمەتىنشە، جانۇزاق تاۋارلىق گازدى جەتكىزۋ ءۇشىن «ازياگازچۋندجا» ج ش س- ءنىڭ بانك شوتىنا جالپى سوماسى 127 ميلليارد 608 ميلليون 464 مىڭ تەڭگە قاراجات اۋدارعان.
«قىلمىستىڭ بەلسەندى قاتىسۋشىسى جانۇزاقتىڭ قىتايعا قىزمەتتىك ءىس ساپارعا شىعۋىنا بايلانىستى 2019-جىلعى 19- قىركۇيەكتەگى 14 ميلليارد 73 ميلليون 212 مىڭ تەڭگە سوماسىنا تولەمدەر تىزىلىمىنە «QazaqGaz» ۇ ك» ا ق باس ديرەكتورىنىڭ ورىنباسارى رۋبانوۆ قول قويدى، ول قىلمىستىق نيەت تۋرالى بىلمەدى»، - دەپ ءتۇسىندىردى پروكۋرور.
شەكەنوۆ Qazaq Gaz تاۋارلىق گازدى «گازپروم-ەكسپورتتان» 127 ميلليارد 116 ميلليون 358 مىڭ تەڭگەگە مىڭ تەكشە مەترىن 145 دوللارعا ساتىپ العانىن مالىمدەدى.
«سوت-ەكونوميكالىق ساراپتامانىڭ 2022-جىلعى 30- ماۋسىمداعى 1699№ قورىتىندىسىنا سايكەس، «QazaqGaz» ۇ ك» ا ق مەن «ازياگازچۋندجا» ج ش س ساتىپ العان گازدىڭ قۇنى مەن «گازپروم-ەكسپورتتان» ساتىپ الىنعان وسى گازدىڭ قۇنى اراسىنداعى ايىرماشىلىق 14 ميلليارد 565 ميلليون 318 مىڭ 10 تەڭگە بولدى. «ازياگازچۋندجا» ج ش س اتىنان «QazaqGaz» ۇ ك» ا ق اتىنا ساتىلاتىن تاۋارلىق گازدىڭ قۇنىن ارتتىرۋ ۇلتتىق كومپانياعا تيەسىلى اقشالاي قاراجاتتى ۇرلاۋ ءۇشىن جاعداي جاساۋعا مۇمكىندىك بەردى.
تاۋارلىق گازدى ارزانىراق باعامەن ساتىپ الۋدىڭ ناقتى مۇمكىندىگىنە قاراماستان، ونى «ازيا گازچۋندجا» ج ش س باقىلاۋىنداعى دەلدالدىق كومپانياسى ارقىلى ادەيى جوعارى باعامەن ساتىپ الىپ، جىمقىرۋ ماقساتىندا مەملەكەتتىك كومپانيانىڭ قارجى-شارۋاشىلىق اينالىمىنان اقشا قاراجاتىن الۋدى جۇزەگە اسىردى. بۇل گازبەن جابدىقتاۋ سالاسىنداعى ۇلتتىق وپەراتور قىزمەتىنىڭ تۇپكىلىكتى ناتيجەسىنە تەرىس اسەر ەتتى، ونىڭ قىزمەتى حالىققا ساتىلاتىن گازدىڭ وزىندىك قۇنىن جەڭىلدىكتى باعامەن جابۋعا باعىتتالعان»، - دەپ ءتۇسىندىردى پروكۋرور.
قايرات بورانبايەۆ پەن رومان ناحانوۆقا قىلمىستىق كودەكستىڭ 28-بابى 5-بولىگى، 189-بابى 4-بولىگىنىڭ 2-تارماعىندا كوزدەلگەن قىلمىستىق قۇقىق بۇزۋشىلىق جاسادى دەگەن ايىپ تاعىلدى.
«ۇرلانعان قاراجات ولاردى زاڭدى اينالىمعا تارتۋ ارقىلى زاڭداستىرىلىپ، قىلمىستىق سحەماعا قاتىسۋشىلار اراسىندا بولىنگەن.
بورانبايەۆقا 4 ميلليارد 804 ميلليون 67 مىڭ تەڭگە؛
نوحانوۆقا 533 ميلليون 785 مىڭ تەڭگە؛
«د س-تاس» ج ش س 5 ميلليارد 337 ميلليون 852 مىڭ تەڭگە»، - دەدى ايىپتاۋشى تاراپ.
ايىپتاۋشى تاراپتىڭ ايتۋىنشا، بورانبايەۆ الىنعان اقشانىڭ ءبىر بولىگىن الماتىدا Esentai office ج ش س- دەن 742 شارشى مەتر جىلجىمايتىن مۇلىك ساتىپ الۋعا جۇمساعان. نىسان بورانبايەۆقا 686 ميلليون تەڭگەگە تۇسكەن.
«كەيىننەن مۇلىكتەن تابىس الۋ ماقساتىندا 2022-جىلعى 24- اقپانداعى جالداۋ شارتى بويىنشا ءۇي-جاي اي سايىنعى اينالىم كەزەڭىنىڭ 12,5 پايىزى نەمەسە اي سايىن كەمىندە 10 ميلليون تەڭگە مولشەرىندە جالداۋ اقىسى بار مەيرامحانا قىزمەتتەرىن ۇيىمداستىرۋ قۇقىعىمەن AB Restaurants ج ش س- ءنىڭ پايدالانۋىنا بەرىلدى.
ناحانوۆ 2020-جىلعى 30- قاراشادا استانادا سالىنىپ جاتقان تۇرعىن ءۇي كەشەنىندە 2105، 2107، 2108 ءنومىرلى پاتەر ساتىپ العانى ءۇشىن Highvill Ishim ج ش س شوتىنا ءوزىنىڭ جەكە شوتىنان 99,8 ميلليون تەڭگە مولشەرىندە قىلمىستىق جولمەن الىنعان قاراجاتتىڭ ءبىر بولىگىن اۋداردى. ناحانوۆتىڭ پاتەرلەرىنە قۇقىقتاردىڭ پايدا بولۋ كوزدەرىنىڭ شىنايى سيپاتىن جاسىرۋ ماقساتىندا ۇلەستىك قاتىسۋ شارتى نەگىزىندە ولاردى ناحانوۆتىڭ ۇلى باۋىرجان رومانوۆيچكە راسىمدەدى»، - دەپ قورىتىندىلادى پروكۋرور.
ەسكە سالايىق، كەشە استانادا قايرات بورانبايەۆ پەن وسى ءىس بويىنشا باسقا دا ايىپتالۋشىلارعا قاتىستى سوت وتىرىسى باستالدى. جۋرناليستەر سوت زالىنا كىرگىزىلدى. سوتقا قايرات بورانبايەۆتىڭ قىزى اليما قايرات تا قاتىسىپ وتىر. ول سوتقا اكەسىنىڭ قوعامدىق قورعاۋشىسى رەتىندە قاتىسادى.