سوت بۇل شەشىمنىڭ قابىلدانۋىن تەرگەۋ باستالعان 2022-جىلعى تالداۋدىڭ بولماۋىمەن بايلانىستىرادى.
سونىمەن قاتار، ياندەكس. تاكسي ۇلەسى الماتى قالاسى بويىنشا 2020-جىلى - 83,78 پايىز، 2021-جىلى - 84,34 پايىز، 2022-جىلدىڭ ءبىرىنشى جارتىجىلدىعىندا - 95,3 پايىز قۇرادى. استانا قالاسى بويىنشا 2020-جىلى ۇلەسى 60,7 پايىز، 2021-جىلى 67,3 پايىز قۇرادى.
ياندەكس. تاكسيدىڭ بۇگىنگى جاعدايى ونىڭ 2 جىل نەمەسە ودان دا كوپ ۋاقىت ىشىندە تۇراقتى ءوسۋىن كورسەتەدى. بۇل نارىقتاعى جالپى جاعدايدى باقىلاۋعا جانە ايتارلىقتاي اسەر ەتۋگە مۇمكىندىك بەرەدى.
ياندەكس. تاكسي كوميسسياسى ق ق س ەسەبىمەن 17 پايىز قۇرايدى، بۇل رەتتە ياندەكس. تاكسي باسەكەلەسىنىڭ ەڭ جوعارى نارىقتاعى كوميسسياسى 12,5 پايىز قۇرايدى. سوندىقتان ياندەكس. تاكسي كوميسسياسى نارىقتاعى ەڭ جوعارعى كورسەتكىشتەن 36 پايىز كوپ. بۇل رەتتە الماتى قالاسى بويىنشا باسەكەلەستىڭ ۇلەسى 2020-جىلى 0,6 پايىز، 2021-جىلى 0,3 پايىز قۇرايدى.
بۇدان بولەك، ياندەكس. تاكسيدەن باسقا جۇرگىزۋشىلەردەن 4 پايىزدان تۇراتىن كوميسسيانى سەرىكتەس تاكسوپاركتەرى دە الادى. ال بۇل قازاقستان رەسپۋبليكاسىندا جول ءجۇرۋ قۇنىنىڭ جالپى قىمباتتاۋىنا اكەلىپ سوعادى.
سوت ءوز شەشىمىن ءتۇسىندىرۋ كەزىندە ياندەكس. تاكسي تاراپىنان زاڭنامانى بۇزۋ بەلگىلەرى بارىن راستالعانىن كەلتىرىپ، ۋاكىلەتتى ورگان ءتيىستى تالداۋ جۇرگىزىلگەننەن كەيىن 2022-جىلعى قىزمەتى ءۇشىن تەرگەۋ اشۋعا قۇقىلى دەدى.
وسىعان بايلانىستى مونوپولياعا قارسى ورگاننىڭ تەرگەۋى جالعاساتىن بولادى. بۇگىنگى تاڭدا بقدا ياندەكس. تاكسيدىڭ 2022-جىلى مونوپوليالىق جوعارى باعالاردى بەلگىلەۋ تۇرعىسىنان ارەكەتتەرىن تالداۋدا.
وسى رەتتە ياندەكس. تاكسيگە قاتىستى تەرگەۋدى باستاۋعا كليەنتتەردىڭ كومپانيا بەلگىلەگەن جوعارى باعاعا، ال جۇرگىزۋشىلەردىڭ كوميسسيا كولەمىمەن كەلىسپەيتىندىكتەرى تۋرالى كوپتەگەن شاعىمدار نەگىز بولعانىن ەسكە سالۋ قاجەت.