«اتاپ ايتقاندا، بۇگىن وسى قىزمەتكە تاعايىندالۋىما ءماجىلىس دەپۋتاتتارى سەنىم ءبىلدىردى. بۇگىنگە دەيىن كونستيتۋتسيالىق سوت جايىندا كوپ ايتىلعان بولاتىن، بۇگىن ەندى وسى ماڭىزدى قىزمەتكە تاعايىندالىپ وتىرمىن. وسى ورايدا العا قويىلعان مىندەتتەردى جۇزەگە اسىرۋعا، كونستيتۋتسيانىڭ ۇستەمدىگىن قامتاماسىز ەتۋ، ازاماتتاردىڭ قۇقىقتارىن قورعاۋ ءۇشىن بار كۇش- جىگەرىمدى سالاتىن بولامىن. سوندىقتان اۋقىمدى جوسپار بار جانە ونى ىسكە اسىرۋعا ەڭبەك ەتەمىز»، - دەدى ق. مۋسين ءماجىلىستىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
بۇدان بۇرىن حابارلانعانداي، بۇگىن ماجىلىستە ق ر كونستيتۋتسيالىق سوتىنىڭ سۋدياسى لاۋازىمىنا قانات سەرگەي ۇلى مۋسين، ەركىن ءانۋار ۇلى وڭعاربايەۆ جانە سەرگەي فەدوروۆيچ ۋدارتسەۆ تاعايىندالدى.
مەملەكەت باسشىسىنىڭ جارلىعىمەن قانات سەرگەي ۇلى مۋسين قازاقستان رەسپۋبليكاسىنىڭ ادىلەت ءمينيسترى لاۋازىمىنان بوساتىلدى.
29-جەلتوقسان كۇنى پرەزيدەنت قاسىم-جومارت توقايەۆ كونستيتۋتسيالىق سوتتىڭ ءتوراعاسى قىزمەتىنە ەلۆيرا ءابىلحاسىم قىزى ازيموۆانى ۇسىندى.
سەنات دەپۋتاتتارى اشىق داۋىس بەرۋ ارقىلى ە. ازيموۆانىڭ كانديداتۋراسىن ءبىراۋىزدان قولدادى.
كونستيتۋتسياعا سايكەس پارلامەنتتىڭ ءار پالاتاسى كونستيتۋتسيالىق سوتتىڭ ءۇش سۋدياسىن قىزمەتكە تاعايىندايدى. ولار ءوز قىزمەتىنە 2023 -جىلدىڭ 1-قاڭتارىنان باستاپ كىرىسەدى.
سونىمەن قاتار بۇگىن سەناتتىڭ جىلپى وتىرىسىندا ق ر كونستيتۋتسيالىق سوتتىڭ سۋديالارى تاعايىندالدى.