ولاردى ىسكە اسىرۋ تۋرالى ارنايى ازىرلەنگەن جول كارتاسىندا ەگجەي-تەگجەيلى جازىلعان، دەپ حابارلايدى قازاقپارات ۇكىمەتتىڭ تەلەگرام كانالىنا سىلتەمە جاساپ.
قازاقستان پرەمەر-ءمينيسترى ءاليحان سمايىلوۆ استاناعا جۇمىس ساپارىمەن كەلگەن وزبەكستان پرەمەر-ءمينيسترىنىڭ ورىنباسارلارى جامشيد حودجايەۆپەن جانە جۋرابەك مىرزاماحمۋدوۆپەن كەلىسسوز جۇرگىزدى. تاراپتار قر پرەزيدەنتى قاسىم-جومارت توقايەۆتىڭ بيىل 21-22- جەلتوقساندا وزبەكستانعا جاساعان ساپارىنىڭ قورىتىندىسى بويىنشا ەكى مەملەكەت باسشىلارىنىڭ بەرگەن تاپسىرمالارىن ىسكە اسىرۋ ماسەلەلەرىن تالقىلادى.
ءاليحان سمايىلوۆ ق ر پرەزيدەنتىنىڭ وزبەكستانعا ساپارىنىڭ قورىتىندىسى بويىنشا ەكىجاقتى ءوزارا ءىس-قيمىلدىڭ بارلىق باسىم سالالارىندا سەرپىندى ۋاعدالاستىقتارعا قول جەتكىزىلگەنىن اتاپ ءوتتى. ولاردى ىسكە اسىرۋ تۋرالى ارنايى ازىرلەنگەن جول كارتاسىندا ەگجەي-تەگجەيلى جازىلعان، بۇل رەسپۋبليكالار اراسىنداعى ستراتەگيالىق ارىپتەستىكتى ودان ءارى نىعايتۋعا سەرپىن بەرەدى.
«مەملەكەت باسشىلارى ءبىرىنشى كەزەكتەگى ءبىرقاتار مىندەتتەردى ايقىنداپ، ولاردى ىسكە اسىرۋ مەرزىمدەرىن ناقتى بەلگىلەپ بەردى. ازاماتتارىمىزدىڭ ءال- اۋقاتىن ارتتىرۋعا باعىتتالعان بارلىق شارالاردى جۇزەگە اسىرۋ ءۇشىن ۇيلەسىمدى جانە ءتيىمدى جۇمىستى قامتاماسىز ەتۋىمىز كەرەك»، - دەدى پرەمەر-مينيستر.
قوس ەل اراسىنداعى تاۋار اينالىمى تۇراقتى ءوسىپ كەلەدى. بۇل رەتتە باستى مىندەتتەردىڭ ءبىرى - ءونىمدى تاسىمالداۋ كەزىندە «تار دالىزدەردى» كەڭەيتىپ، جالپى اكىمشىلىك كەدەرگىلەردى جويۋ.
«ءبىزدىڭ ەلدەرىمىزدىڭ كاسىپكەرلەرى ءوزارا بەلسەندى ىسكەرلىك قارىم-قاتىناستار ورناتقان، سوندىقتان بيزنەسكە جاڭا بىرلەسكەن جوبالاردى ىسكە قوسۋعا جان-جاقتى قولداۋ قاجەت. ءبىز سىزدەرمەن بىرگە وسى باعىتتا جۇمىس ىستەۋگە دايىنبىز»، - دەدى ءاليحان سمايىلوۆ.
سونىمەن قاتار، تاراپتار سۋ شارۋاشىلىعى سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى.
ءوز كەزەگىندە جامشيد حودجايەۆ وزبەكستان ۇكىمەتى بارلىق ءتيىمدى باعىتتار بويىنشا ورتاق ماقساتتار مەن مىندەتتەرگە قول جەتكىزۋ ءۇشىن قازاقستان ۇكىمەتىمەن تىعىز ىنتىماقتاستىقتا ناتيجەلى جۇمىس ىستەۋگە ءازىر ەكەنىن اتاپ ءوتتى.
كەزدەسۋ سوڭىندا ق ر پرەمەر-ءمينيسترى ءاليحان سمايىلوۆ 2022-جىلعى 21-22- جەلتوقساندا ەكى ەل پرەزيدەنتتەرى اراسىندا وتكەن كەلىسسوز قورىتىندىسى بويىنشا قول جەتكىزىلگەن ۋاعدالاستىقتاردى ىسكە اسىرۋ جونىندەگى جول كارتاسىنا قول قويدى. وزبەك تاراپىنان بۇل قۇجاتقا ءور پرەمەر-ءمينيسترى ابدۋللا اريپوۆ قول قويادى.