«2023-2025-جىلدارعا ارنالعان رەسپۋبليكالىق بيۋجەت تۋرالى» ق ر زاڭىنا سايكەس، كەلەر جىلى ەڭ تومەنگى جالاقى مولشەرى - 70 مىڭ تەڭگە، ال ايلىق ەسەپتىك كورسەتكىش (ا ە ك) - 3450 تەڭگە بولىپ بەكىتىلدى. دەمەك، ايىپپۇلداردىڭ دا كولەمى ۇلعايادى.
قوزعالىس جىلدامدىعىن اسىرعاندا
2023-جىلى اۆتوموبيل قوزعالىسىنىڭ جىلدامدىعىن 10-40 كيلومەترگە ارتتىرعان جۇرگىزۋشىلەرگە 5 ا ە ك- تەن (17250 تەڭگە) 10 ا ە ك- كە (34500 تەڭگە) دەيىن ايىپپۇل سالىنادى. جىلدامدىقتى ساعاتىنا 40 كيلومەتردەن اسىرعاندار 20 ا ە ك (69 مىڭ تەڭگە) تولەيدى. ال، اكىمشىلىك جازا قولدانىلعاننان كەيىن ءبىر جىل ىشىندە مۇنداي ارەكەتتى قايتالاعاندار 30 ا ە ك (103500 تەڭگە) ايىپپۇلمەن جازالانادى.
كولىك جۇرگىزۋگە قۇقىعى جوق ازاماتتارعا
اۆتوكولىكتى جۇرگىزۋگە قۇقىعى جوق جۇرگىزۋشىگە 20 ا ە ك نەمەسە 69 مىڭ تەڭگە ايىپپۇل سالىنادى. كولىكتى جۇرگىزۋ قۇقىعىنان ايىرىلىپ، كولىك باسقارعانى ءۇشىن 50 ا ە ك (172500 تەڭگە) ايىپپۇل سالىنادى، نە 20 تاۋلىككە قاماۋعا الىنادى.
جول بەلگىلەرىن ەلەمەگەن جاعدايدا
جول بەلگىلەرى مەن ونىڭ تالاپتارىن ساقتاماعانى ءۇشىن 3 ا ە ك (10350 تەڭگە) ايىپپۇل تولەيدى. باعدارشامنىڭ قىزىل تۇسىنە توقتاماعان نەمەسە جول ديسپەتچەرىنىڭ تىيىم سالۋ قيمىلىنا قۇلاق اسپاعان جايعدايدا 10 اەك (34 500 تەڭگە) ايىپپۇل سالىنادى. قۇقىق بۇزۋدى قايتالاسا، ونىڭ كولەمى 15 اەك- كە (51750 تەڭگە) دەيىن وسەدى. جول قوزعالىسى ەرەجەلەرىن بۇزىپ، جاياۋ جۇرگىنشىلەر جولى، جول جيەكتەرى نەمەسە تروتۋارمەن جۇرسە، 15 ا ە ك (51750 تەڭگە) ايىپپۇل تولەيدى.
ايالداما/اۆتوتۇراق ەرەجەسىن بۇزعان جاعدايدا
كولىكتى تۇراققا دۇرىس قويماعان جاعدايدا سالىناتىن ايىپپۇل مولشەرى دە ارتادى. ماسەلەن، ايالداما نەمەسە اۆتوتۇراق قاعيدالارىن بۇزعاندارعا 5 ا ە ك (17250 تەڭگە) ايىپپۇل سالىنادى. كولىكتى بەلگىلەنبەگەن جەرلەرگە قويىپ كەتىپ، باسقا اۆتوكولىكتەردىڭ جۇرۋىنە كەدەرگى جاساعاندار 10 ا ە ك- كە (34500 تەڭگە) دەيىن ايىپپۇل تولەيدى. اقىلى تۇراققا اقشا تولەمەگەن جاعدايدا 3 ا ە ك نەمەسە 10350 تەڭگە ايىپپۇل ارقالايدى.
جاياۋ جۇرگىنشىلەرگە قاتىستى
جاياۋ جۇرگىنشىلەرگە ارنالعان ورىندارداعى جول قوزعالىسىنا قاتىستى ەرەجەلەر ورىندالماسا، 6126 (2022-جىل) تەڭگەنىڭ ورنىنا 6900 (2023-جىل) تەڭگە ايىپپۇل سالىنادى. ءبىر جىل ىشىندە قايتالانسا، ايىپپۇل كولەمى بىردەن 10 ا ە ك- كە دەيىن ارتىپ، 30630 تەڭگەنىڭ ورنىنا 34500 تەڭگە تولەيتىن بولادى.
باسقا دا ايىپپۇلدار
اكىمشىلىك قۇقىق بۇزۋشىلىق تۋرالى كودەكسكە قىركۇيەك ايىندا وزگەرىس ەنگىزىلدى. وعان ساي، پوليتسيا قىزمەتكەرلەرىنىڭ زاڭدى وكىمدەرىنە باعىنبايتىندارعا 30 ا ە ك (103500 تەڭگە) ايىپپۇل سالىنادى نەمەسە 15 تاۋلىككە دەيىن قاماۋعا الىنادى. (بيىل بۇل سوما - 91890 تەڭگە). ەگەر قۇقىق بۇزۋشىلىق ءبىر جىل ىشىندە قايتالانسا، 15 تەن 20 كۇنگە دەيىن قاماۋعا الىنادى. قاماۋعا الىنبايتىندار ءۇشىن (مۇگەدەك ادامدار) جازا رەتىندە 50 ا ە ك - 175500 تەڭگە (2022-جىلى - 153150 تەڭگە) مولشەرىندە ايىپپۇل سالىنادى.
قوعامدىق ورىندا تۇكىرگەنى ءۇشىن، سونداي-اق بەلگىلەنبەگەن جەرلەردە قوقىس تاستاعانى ءۇشىن 5 ا ە ك نەمەسە 17250 تەڭگە ايىپپۇل سالىنادى. ال، قايتالانعان جاعدايدا 10 ا ە ك- كە نەمەسە 34500 تەڭگە تولەيتىن بولادى.