پارلامەنتتىك سايلاۋعا ءوزىم مەملەكەت باسشىسى رەتىندە ايرىقشا ءمان بەرىپ وتىرمىن - توقايەۆ

استانا. قازاقپارات - پرەزيدەنتتىڭ قاتىسۋىمەن پارلامەنت سەناتىنىڭ وتىرىسى ءوتتى، دەپ حابارلايدى قازاقپارات.

«بيىل ەلىمىز زور قاتەرگە تاپ بولدى. دەگەنمەن ءبىز قيىندىقتىڭ ءبارىن ەڭسەردىك. بارلىق سالادا جۇيەلى رەفورمالاردى قولعا الدىق. ءۇش جارىم جىل بۇرىن باستالعان ساياسي وزگەرىستەر بيىل تىڭ قارقىنمەن جالعاستى. رەفورمانىڭ اۋقىمى كەڭەيدى. ءبىز ءۇشىن بۇل وزگەرىستەردى جالپىۇلتتىق ديالوگ ارقىلى جۇزەگە اسىرۋ وتە ماڭىزدى. وسى ماسەلەگە بايلانىستى پارلامەنتتىڭ ءرولى الدەقايدا جوعارى بولماق. سوندىقتان كەلە جاتقان پارلامەنتتىك سايلاۋعا مەن ءوزىم مەملەكەت باسشىسى رەتىندە ايرىقشا ءمان بەرىپ وتىرمىن. بۇل سايلاۋ ەلىمىزدىڭ زاڭىنا سايكەس ءادىل جانە اشىق وتۋگە ءتيىس»، - دەدى پرەزيدەنت.