ديماش قۇدايبەرگەن قاي جاقتا ءبىلىم الادى

استانا. قازاقپارات - ديماش قۇدايبەرگەن ا ق ش- تىڭ «New York Film Academy» جەتەكشى جوعارى وقۋ ورنىندا «رەجيسسۋرا» ماماندىعى بويىنشا 1 جىلدىق تاعىلىمدامادان وتەدى.

بۇل تۋرالى قازاقپارات ءتىلشىسى dimashnews.com سايتىنا سىلتەمە جاساپ حابارلايدى.

«ديماش قۇدايبەرگەن ا ق ش- تىڭ جەتەكشى جوعارى وقۋ ورنى - New York Film Academy-دە «رەجيسسۋرا» ماماندىعى بويىنشا ءبىر جىلدىق تاعىلىمدامادان وتەدى»، - دەلىنگەن رەسمي سايتتاعى حابارلامادا.

ايتا كەتەيىك، بۇگىن «بولاشاق» حالىقارالىق ستيپەندياسى يەگەرلەرىنىڭ ءتىزىمى جاريالاندى. رەسپۋبليكالىق كوميسسيا شەشىمىمەن بيىلعى حالىقارالىق ستيپەنديا 178 ادامعا تاعايىندالدى. ستيپەندياتتاردىڭ قاتارىندا تانىمال ءانشى ديماش قۇدايبەرگەن دە بار. ول «تاعىلىمداما» باعدارلاماسى بويىنشا شەتەلدە بىلىكتىلىگىن ارتتىرادى.