الماتى قالالىق پوليتسيا دەپارتامەنتىنىڭ مالىمەتىنشە، بۇگىن تۇسكى ساعات 12:00 شاماسىندا جەدەل باسقارۋ ورتالىعىنا ءبىلىم ورداسىنا جارىلعىش زات قويىلعانى تۋرالى حابارلاما تۇسكەن.
«قالانىڭ جەدەل جانە توتەنشە جاعدايلار قىزمەتتەرى العاشقى دەن قويۋ شارالارى اياسىندا ءبىلىم مەكەمەسىندە تەكسەرۋ جۇرگىزدى. وقۋشىلار مەن ۇستازدار ەۆاكۋاتسيالاندى»، - دەپ حابارلادى الماتى قالالىق پوليتسيا دەپارتامەنتىنىڭ رەسمي وكىلى سالتانات ازىربەك.
بەلگىلى بولعانىنداي، مەكتەپ عيماراتىن تەكسەرۋ كەزىندە جارىلىس قۇرىلعىلارى تابىلعان جوق. ءبىلىم مەكەمەسى شتاتتىق رەجيمدە جۇمىس ىستەپ تۇر.
«قازىر پوليتسيا مەكتەپكە جارىلعىش زات قويىلعانى تۋرالى جالعان حابار تاراتقان ادامدى انىقتاپ جاتىر. ول قىلمىستىق جاۋاپقا تارتىلادى»، - دەدى سالتانات ازىربەك.