ونداعى مالىمەتتەرگە قاراعاندا، 20- جەلتوقساندا جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى شۋ-مەركى تاسجولىنان 25 شاقىرىم قاشىقتىقتاعى قۇمدى ايماقتان ماريحۋانا ەسىرتكىسىن جيناپ جۇرگەن الماتى وبلىسىنىڭ ءۇش تۇرعىنىن ۇستاعان.
كۇدىكتىلەردى ءتىنتۋ جانە ولار مىنگەن Volkswagen اۆتوكولىگىن تەكسەرۋ بارىسىندا 5 پوليەتيلەن پاكەت تابىلىپ، تاركىلەندى. ساراپتاما قورىتىندىسىنا سايكەس، وندا جالپى سالماعى 3 كەلى 900 گرام كەپتىرىلگەن ماريحۋانا ەسىرتكى زاتى بولعان.
ۇستالعاندار كىناسىن مويىنداپ، شۋ قالاسىنىڭ ۋاقىتشا ۇستاۋ يزولياتورىنا قاماققا الىندى.
- كۇدىكتىلەرگە قاتىستى ق ر ق ك- ءنىڭ 296-بابىنىڭ 4-بولىگى بويىنشا سوتقا دەيىنگى تەرگەۋ امالدارى باستالدى. بۇل باپ بويىنشا 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلادى. جامبىل وبلىسىندا 2022-جىلدىڭ 11 ايىندا 594 ەسىرتكى قۇقىق بۇزۋشىلىق دەرەگى انىقتالدى، ونىڭ ىشىندە - 219 قىلمىس، 375 تەرىس قىلىق دەرەگى. سونداي-اق زاڭسىز اينالىمنان 2 توننا 752 كەلى ەسىرتكى زاتى تاركىلەندى»، - دەلىنگەن حابارلامادا.