بۇعان دەيىن الەۋمەتتىك جەلىدە «دوستىق» كەدەن بەكەتىنەن جۇك الىپ ءوتۋ ءۇشىن $1000 پارا بەرۋىڭ كەرەك» دەگەن اقپارات شىققان ەدى.
«ق ر پرەزيدەنتىنىڭ تاپسىرماسىن ورىنداۋ ماقساتىندا 2022-جىلعى 23- قاراشادا «دوستىق-اۆتوموبيل» وتكىزۋ پۋنكتىندە «CargoRuqsat» پلاتفورماسىندا ەلەكتروندىق كەزەك جۇيەسى ىسكە قوسىلدى. اۆتوكولىكتەردى مەملەكەتتىك شەكارا ارقىلى وتكىزۋدىڭ ءداستۇرلى ادىسىنە قاراعاندا بۇل جۇيەنى ەنگىزۋدىڭ ارتىقشىلىعى كوپ. «دوستىق-اۆتوموبيل» وتكىزۋ پۋنكتىندە ەلەكتروندىق كەزەك جۇيەسىن ەنگىزۋ كەزىندە ەۋرازيالىق ەكونوميكالىق وداقتىڭ باسقا مەملەكەتتەرىنىڭ تاجىريبەسى ەسكەرىلدى»، - دەپ جازىلعان مەملەكەتتىك كىرىستەر كوميتەتىنىڭ رەسمي جاۋابىندا.
2022-جىلعى 27- جەلتوقساندا ەلەكتروندىق رۇقساتتامالار بويىنشا - 3211 بوس اۆتوكولىك كىرگەن. ورتاشا العاندا، ق ح ر- عا تاۋلىك سايىن 120 بوس اۆتوكولىك ءوتىپ جاتىر، ال وتكىزۋ پۋنكتىنىڭ ينفراقۇرىلىمدىق وتكىزۋ قابىلەتى تاۋلىگىنە 70 اۆتوكولىكتى قۇرايدى.
«الايدا، دەلدالدىق قىزمەتپەن اقشا تاباتىن كەي ادامدار (جۇك تاسۋشىلار) ەلەكتروندى كەزەكتى ادەيى ديسكرەديتاتسيالاپ، بەكەتتىڭ وتكىزۋ قابىلەتىن ارتتىرۋعا بارلىق جاعىنان كەدەرگى كەلتىرۋدە. سونداي-اق، «CargoRuqsat» ەلەكتروندى كەزەك جۇيەسىندە تىركەلمەگەن نەمەسە مەملەكەتتىك شەكارانى كەسىپ ءوتۋ ءۇشىن كەيىنگى مەرزىمگە تىركەلگەن اۆتوكولىكتەر انىقتالادى. بۇدان باسقا، «دوستىق اۆتوموبيل وتكىزۋ پۋنكتى الدىندا جاساندى تۇردە كەزەكتەر جاسالادى، زاڭدى تىركەلگەن اۆتوكولىكتەرگە كەدەرگى جاساۋ ارەكەتتەرى بايقالدى»، - دەلىنگەن حابارلامادا.
سونىمەن بىرگە، جەرگىلىكتى اتقارۋشى جانە مەملەكەتتىك ورگانداردىڭ باسشىلارى تۇراقتى نەگىزدە ءتۇسىندىرۋ جۇمىستارىن جۇرگىزەدى، تاسىمالداۋشىلار مەن سىرتقى ەكونوميكا قاتىسۋشىلارى ءۇشىن اقپارات چاتقا جىبەرىلەدى. بىرلەسكەن جۇمىسقا دوستىق كولىك پروكۋرورى، ق ر ۇ ق ك شەكارا قىزمەتىنىڭ باسشىلىعى، دوستىق اۋىلىنىڭ پاترۋلدىك پوليتسيا ءبولىمىنىڭ باسشىلىعى، دوستىق اۋىلدىق وكرۋگى اكىمى اپپاراتىنىڭ باسشىلىعى قاتىسادى.
«قۇقىق قورعاۋ ورگاندارىنىڭ قىزمەتكەرلەرى دوستىق اۋىلىنان شەكاراعا دەيىنگى تراسسادا تاۋلىك بويى كەزەكشىلىك جۇرگىزەدى. قازىرگى ۋاقىتتا جاعداي تۇراقتى، الەۋمەتتىك شيەلەنىس جوق»، - دەيدى مەملەكەتتىك كىرىستەر كوميتەتى.