ح ق و- نىڭ اشىلۋ سالتاناتىنا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين مەن مەملەكەتتىك كورپوراتسيانىڭ باسقارما ءتوراعاسى سۇيەنىش ءابدىلدين قاتىستى.
مەملەكەتتىك كورپوراتسيا تسيفرلىق كەڭسەلەردىڭ ينفراقۇرىلىمىن جىل سايىن جاقسارتۋدا. جاڭا ح ق و Kaizen Standart قاعيداتىنا نەگىزدەلگەن. Kaizen ساپانى، تەحنولوگيالاردى، پروتسەستەردى، كورپوراتيۆتىك مادەنيەتتى، ەڭبەك ونىمدىلىگىن جانە كومپانيا قىزمەتىنىڭ باسقا دا اسپەكتىلەرىن ۇزدىكسىز جاقسارتۋدى قامتيدى. جەتىلدىرۋ پروتسەسىنە ديرەكتوردەن باستاپ، قاراپايىم قىزمەتكەرگە دەيىن قاتىسادى.
بالالارمەن كەلگەن تۇرعىنداردىڭ قولايلىعى ءۇشىن جاڭا ح ق و عيماراتىندا، انا مەن بالاعا ارنالعان بولمە جانە ويىن الاڭى بار. جاڭادان اشىلعان تسيفرلىق كەڭسە بىرنەشە سەكتورعا بولىنگەن. وسىعان وراي، جىلدامدىق ايماعىندا مەملەكەتتىك قىزمەتتى 10 مينۋت ىشىندە الۋعا بولادى. ەنۋ ايماعىندا تۇرعىندار وپەراتوردىڭ كومەگىنسىز وزدەرىنە قاجەتتى كەز-كەلگەن قۇجاتتى eGov mobile قوسىمشاسى ارقىلى الا الادى.
بۇل ورتالىقتا 24/7 ساعات بويى جۇمىس ىستەيتىن پوستاماتتار ورناتىلعان. ازاماتتار جۇمىستان كەيىن كەز كەلگەن ۋاقىتتا، قۇرىلعىدان دايىن قۇجاتتاردى الا الادى. بۇل پيلوتتىق جوبا بولاشاقتا بارلىق وڭىرلەردە ىسكە قوسىلۋى جوسپارلانۋدا.
سونىمەن قاتار، جاڭا ورتالىقتا «ح ق و» موبيلدىك قوسىمشاسى ارقىلى بەينە قوڭىراۋ بويىنشا مەملەكەتتىك قىزمەتتەردى الۋعا ارنالعان كابينالار ورناتىلعان. سونداي- اق، تۇرعىندار وسى قوسىمشا ارقىلى كەزەككە تۇرىپ جانە ءوز كەزەگىن باقىلاي الادى.
بۇدان بولەك، ح ق و- دا الەۋمەتتىك بلوك پەن جەر كاداسترى قىزمەتتەرىن الۋعا ارنالعان ءبولىم، سونداي- اق، ازاماتتار بەينە قوڭىراۋ ارقىلى كەڭەس الا الاتىن ايماقتار بار. مۇمكىندىگى شەكتەۋلى جاندار ءۇشىن جاڭا ورتالىقتا پاندۋس جانە قىزمەت كورسەتۋگە ارنالعان جەكە سەكتور قاراستىرىلعان. سونىمەن قاتار، ەگەر كليەنتتەرگە ۇيالى تەلەفوندى قۋاتتاندىرۋ قاجەت بولسا، وندا بايلانىس ايماعىندا سمارتفونداردى قۋاتتاندىرۋعا ارنالعان بىرنەشە قۇرىلعى ورناتىلعان.
ايتا كەتەيىك، جاڭا عيماراتتىڭ اۋدانى الدىڭعىعا قاراعاندا 2 ەسە ۇلكەن. جاڭا ح ق و- دا 32 وپەراتور جۇمىس ىستەيدى، بۇل بۇرىڭعى تۇران 37/9 كوشەسىندە ورنالاسقان ح ق و-دان 9 مامانعا ارتىق. قىزمەتكەرلەردىڭ سانى ۇلعايعانعا بايلانىستى حالىققا جەدەل تۇردە قىزمەت كورسەتۋ جۇيەسى ودان ءارى جاقسارادى. جاڭا تسيفرلىق كەڭسەگە كۇنىنە 1000 عا جۋىق قىزمەت الۋشى كەلەدى دەپ كۇتىلۋدە.