ازاماتتارعا تەگىن ۇسىنىلاتىن ادۆوكاتتارعا بيۋجەتتەن قانشا بولىنەدى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ادىلەت ۆيتسە-ءمينيسترى الما مۇقانوۆا مالىمدەدى، دەپ حابارلايدى قازاقپارات ءتىلشىسى.
«مينيسترلىك مەملەكەت كەپىلدىك بەرگەن زاڭ كومەگىن كورسەتۋ تۋرالى كەلىسىم جاساسقان ادۆوكاتتار مەن زاڭ كونسۋلتانتتارىنىڭ شىعىستارىن وتەيدى. 2018-2021-جىلدارى رەسپۋبليكالىق بيۋجەتتەن تەگىن زاڭ كومەگىن كورسەتۋگە ورتا ەسەپپەن جىل سايىن 1,7 ميلليارد تەڭگە ءبولىندى»، - دەپ مالىمدەدى الما مۇقانوۆا.
ونىڭ ايتۋىنشا، مەملەكەت كەپىلدىك بەرگەن زاڭ كومەگى اياسىندا ادۆوكاتقا اسا اۋىر قىلمىستاردى جۇرگىزگەنى ءۇشىن - ساعاتىنا 1,15 ا ە ك (3657 تەڭگە)، اۋىر قىلمىستارعا - 0,78 ا ە ك (2480 تەڭگە)، اكىمشىلىك جانە ازاماتتىق ىستەر بويىنشا - 0,56 ا ە ك (1780 تەڭگە) تولەنەدى.
ايتا كەتەيىك، بۇعان دەيىن تەگىن ادۆوكاتتىق كومەك قانداي جاعدايدا كورسەتىلەتىنىن جازىپ ەدىك.
بۇدان وزگە، ەكى جىلدىڭ ىشىندە 22 مىڭنان اسا قازاقستاندىققا ادۆوكات ەلەكتروندى فورماتتا تاعايىندالعان.