بيىل الماتى جانە جەتىسۋ وبلىستارىنىڭ شەكارالارى بەلگىلەندى. الدىن الا ەسەپتەۋلەر بويىنشا جەر ۋچاسكەلەرىن قايتا تىركەۋگە جانە ءتيىستى قۇجاتتاردى قايتا رەسىمدەۋگە شامامەن 3,5 ميلليارد تەڭگە قاجەت بولادى. مۇنداي شىعىندار كاسىپكەرلەر مەن فەرما باسشىلارىنا قارجىلاي اۋىرتپالىق تۇسىرەدى.
سەناتوردىڭ ايتۋىنشا، قازىر جەتىسۋ وبلىسىندا قايتا تىركەۋگە جاتاتىن 238 مىڭنان استام نىسان بار. جەر تەلىمدەرىنە قايتا رەسىمدەۋ جاسالماعان جاعدايدا، اۋىل تۇرعىندارى مەملەكەتتەن وڭىرلەردى دامىتۋعا باعىتتالعان سۋبسيديا الۋ مۇمكىندىگىنەن ايىرىلۋى مۇمكىن.
«مەملەكەتتىك ورگانداردىڭ شەشىمىمەن ەلدى مەكەندەردىڭ اكىمشىلىك-اۋماقتىق قۇرىلىسى نەمەسە شەكارالارى وزگەرگەن جاعدايدا جەر ۋچاسكەلەرى ەلدى مەكەندەر شەگىنە قوسىلعان كەزدە، جەر ۋچاسكەلەرىنىڭ سايكەستەندىرۋ قۇجاتتارىن اۋىستىرۋ بيۋدجەت قاراجاتى ەسەبىنەن جۇزەگە اسادى. وسى ورايدا ق ر بيۋجەت كودەكسىنىڭ 46-بابى 2-تارماعىنىڭ 1-تارماقشاسىنا سايكەس، 2023-2025-جىلدارعا ارنالعان جالپى ترانسفەرتتەر اياسىندا رەسپۋبليكالىق بيۋجەتتەن كەزەڭ-كەزەڭىمەن قارجىلاندىرۋ مۇمكىندىگىن قاراستىرۋىڭىزدى سۇرايمىز»، - دەدى سەناتور.