سەناتتىڭ قارجى جانە بيۋجەت كوميتەتىنىڭ مالىمەتىنە قاراعاندا، زاڭ جوباسىنىڭ ماقساتى - سوتتاردىڭ قىزمەتىن ءارى سوت سالاسىنداعى اكىمشىلەندىرۋدى جەتىلدىرۋ، مەملەكەتتىك ەلتاڭبانى پايدالانۋ ءتارتىبىن تولىقتىرۋ، سونداي-اق قارجى سالاسىنداعى يننوۆاتسيالاردى دامىتۋ ءۇشىن ەلدىڭ نەگىزگى پلاتفورماسى رەتىندە «استانا» حالىقارالىق قارجى ورتالىعىنىڭ جىلدام دامۋىن قامتاماسىز ەتۋ جانە ونىڭ يۋريسديكتسياسىن ينۆەستيتسيالار تارتۋ ءۇشىن پايدالانۋ.
قۇجات اياسىندا اۋداندىق جانە ولارعا تەڭەستىرىلگەن سوتتاردىڭ قۇرىلۋىن جەتىلدىرۋ، ءارتۇرلى دەڭگەيدەگى سوتتار مەن سۋديالاردىڭ وكىلەتتىكتەرىن تولىقتىرۋ، «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ مورلەرىندە مەملەكەتتىك ەلتاڭبانى پايدالانۋ، قازاقستاندا تەحنولوگيالىق كومپانيالاردى دامىتۋ جانە تارتۋ ءۇشىن «استانا» حالىقارالىق قارجى ورتالىعىنىڭ الاڭىندا سيفرلىق اكتيۆتەر اينالىمىن قۇقىقتىق رەتتەۋدىڭ تولىققاندى جۇيەسىن قۇرۋ ەسكەرىلگەن.
جالپى وتىرىس بارىسىندا سەناتورلار بۇل قۇجاتقا سوت جۇيەسىنىڭ جانە «استانا» حالىقارالىق قارجى ورتالىعىنىڭ قىزمەتىنە بايلانىستى وزگەرتۋلەر ەنگىزۋدى ۇسىندى.
زاڭ جوباسىن تالقىلاۋ بارىسىندا زاڭ جوباسىنا احقو ورگاندارىنىڭ وكىلەتتىكتەرىنە، «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭنىڭ جەكەلەگەن نورمالارىن قولدانىسقا ەنگىزۋ مەرزىمدەرىنە، سونداي-اق قولدانىسقا ەنگىزۋ مەرزىمدەرىن سيفرلىق اكتيۆتەر سالاسىنداعى زاڭ جوبالارىنىڭ نورمالارىمەن ۇندەستىرۋگە قاتىسى بار كەيبىر ەرەجەلەرگە قاتىستى وزگەرىستەر مەن تولىقتىرۋ ەنگىزۋ قاجەت ەكەنى ايتىلدى.
ناتيجەسىندە سەناتتىڭ تۇزەتۋلەرى ەنگىزىلىپ، زاڭ جوباسى ماجىلىسكە قايتارىلدى.