ينفاركت كەزىندە قان سۇيىلتاتىن قاۋىپسىز ءدارى تابىلدى

استانا. قازاقپارات - سيناي تاۋىنىڭ(ەگيپەت) مەديتسينالىق ورتالىعىنداعى يكان مەديتسينا مەكتەبىنىڭ عالىمدارى جۇرەك سوعىسىن ەمدەۋگە، قان سۇيىلتۋعا ارنالعان قاۋىپسىز جانە ءتيىمدى ءدارى تاپتى، - دەپ حابارلايدى gazeta.ru.

عالىمدار زەرتتەۋ بارىسىندا گەپارين مەن بيۆاليرۋدين پرەپاراتتارىنا العاشقى اۋقىمدى كلينيكالىق سىناما جۇرگىزدى. بۇل پرەپاراتتار قان سۇيىلتۋ كەزىندە كوبىنەسە تەرى ارقىلى كورونارلىق ارالاسۋدان كەيىن قولدانىلادى. زەرتتەۋ The Lancet باسىلىمىندا جاريالاندى.

زەرتتەۋگە قىتايداعى 87 مەديتسينالىق ورتالىقتاعى 6106 ناۋقاس قاتىستى. زەرتتەۋ بارىسىندا بيۆاليرۋدين ينفاركتتان كەيىن ءتىرى قالۋ ىقتيمالدىعىن ايتارلىقتاي ارتتىردى. سونىمەن قاتار، بيۆاليرۋدين قولدانعاندار اراسىندا ءولىم نەمەسە اۋىر اسقىنۋلار (ءىرى قان كەتۋ جانە ستەنت ترومبوزى) 31 پايىزعا ازىراق بولدى.