2023 -جىلدىڭ كۇزىندە بايقوڭىردان حالىقارالىق عارىش ستانسياسىنا (ح ع س) اتتاناتىن كەلەسى ەكسپەديتسيا قۇرامىندا بەلارۋس وكىلى بولادى دەگەن جوسپار بار. يۋ. گاگارين اتىنداعى عارىشكەرلەردى دايارلاۋ ورتالىعىنىڭ (ع د و) مالىمەتىنشە، بەلارۋستىك ۇمىتكەرلەر 19- جەلتوقساننان باستاپ مەديتسينالىق تەكسەرۋدىڭ سوڭعى كەزەڭىنەن ءوتىپ جاتىر.
عارىشقا ۇشۋعا بارلىعى جۇزدەن استام ۇمىتكەر بولعان. بەلارۋس ۇلتتىق اكادەمياسى روسكوسموسقا 29 كانديداتتى ىرىكتەپ ۇسىندى. ال، ۇشىرۋ الدىنداعى دايىندىققا تەك ەكى ادام عانا تاڭدالادى.
ع د و باسشىسى ماكسيم حارلاموۆتىڭ ايتۋىنشا، 28- جەلتوقساندا باس دارىگەرلىك كوميسسيانىڭ وتىرىسى وتەدى. وندا ۇمىتكەرلەردىڭ عارىشقا ۇشۋعا ارىقارايعى دايىندىققا جارامدىلىعى تۋرالى ۇسىنىستار ايتىلادى. نەگىزگى جانە قوسالقى ەكيپاجعا تاعايىندالاتىن ۇمىتكەرلەر جاڭا جىلدان كەيىن انىقتالماق.
بەلارۋس رەسپۋبليكاسىنىڭ تۇڭعىش عارىشكەرى 2023 -جىلدىڭ قازان ايىندا بايقوڭىر عارىش ايلاعىنان «سويۋز م س-24» كەمەسىمەن ۇشادى دەپ جوسپارلانىپ وتىر.
ايتا كەتسەك، عارىشقا بەلارۋستەن شىققان ءۇش ازامات ۇشقان، ولار - كەڭەس عارىشكەرلەرى پەتر كليمۋك، ۆلاديمير كوۆالەنوك جانە روس كوسموس عارىشكەرى ولەگ نوۆيتسكي.
اۆتور
زارينا تۋعانبايەۆا