اقتاۋدا مىسىقتى ۇستىنەن مىجىپ، جابىرلەگەن تۇرعىنعا ۇكىم شىقتى

اقتاۋ تۇرعىنىنا قىلمىستىق كودەكستىڭ 316-بابى 3-بولىگى بويىنشا ايىپ تاعىلدى.

سوتتالۋشى و. 4- قازان ساعات 22.00 شاماسىندا باسقا ادامداردىڭ كوز الدىندا قاساقانا مىسىقتىڭ ۇستىنە سەكىرىپ، ونى قورلاپ، مەرتىكتىرىپ، سودان كەيىن جانۋاردى جاقىن ماڭداعى ساياباققا تاستاپ كەتكەن.

پروكۋرور سوتتالۋشىنى 6 اي مەرزىمگە باس بوستاندىعىنان ايىرۋدى سۇرادى.

سوتتالۋشى و. ءوز كىناسىن تولىق مويىندادى جانە باس بوستاندىعىنان ايىرمايتىن جازا تاعايىنداۋدى سۇرادى.

سوتتالۋشىنىڭ كىناسى جاۋاپ الۋ حاتتاماسىمەن، بەينەكامەراعا جازىلعان بەينەجازبامەن، ۆەتەريناردىڭ قورىتىندىسىمەن دالەلدەندى.

جازانى اۋىرلاتاتىن ءمان- جاي جوق، ايىپتى وكىنگەن.

و. سوت ۇكىمىمەن ق ك 316-بابىنىڭ 3-بولىگى 5-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلدى جانە وعان 6-اي مەرزىمگە باس بوستاندىعىن شەكتەۋ تۇرىندەگى جازا تاعايىندالدى.

ۇكىم زاڭدى كۇشىنە ەنگەن جوق.

اۆتور

جانات قاپالبايەۆا