سوت وتىرىسى ونلاين فورماتتا ءوتىپ جاتىر. وعان 12 ايىپتالۋشى قاتىستى. ءىستى المالى اۋداندىق سوتىنىڭ سۋدياسى كامشات ساۋروۆا قاراۋدا. Mudarabah Capital قارجى پيراميداسىنا قاتىستى ءىستىڭ الدىن الا تىڭداۋ بارىسىندا ايىپتالۋشى مەيىرجان تورەبايەۆ ءىستى پروكۋرورعا قايتارۋدى، ال قورعاۋشىسى سوتتان بۇلتارتپاۋ شاراسىن ءۇيقاماققا وزگەرتۋدى سۇراعان ەدى.
مەيىرحان شەرنيازوۆتىڭ قورعاۋشىلارى سوتتان قىلمىستىق ءىستى توقتاتىپ، ولاردى جابىرلەنۋشى دەپ تانۋدى سۇراعان بولاتىن. بۇگىنگى وتىرىستا مەملەكەتتىك ايىپتاۋشى، پروكۋرور ەرلان قۇلانبايەۆ قىلمىستىق ءىستى توقتاتۋعا نەگىز جوق ەكەنىن ايتتى.
«قىلمىستىق- پروتسەستىك كودەكستىڭ 1-بولىگىنىڭ 321-بابىنا سايكەس، اۋىر قىلمىستىق ىستەر بويىنشا الدىن الا تىڭداۋلار مىندەتتى. ءىستى پروكۋرورعا قايتارۋعا نەگىز بولا الاتىن ەلەۋلى زاڭ بۇزۋشىلىق ورىن العان جوق دەپ ەسەپتەيمىن»، - دەدى پروكۋرور.
سونىمەن قاتار ەرلان قۇلانبايەۆ مەيىرجان تورەبايەۆتىڭ ايەلىن ءوزىنىڭ قوعامدىق قورعاۋشى رەتىندە تارتۋ تۋرالى ءوتىنىشىن جانە قورعاۋشىسىنىڭ بۇلتارتپاۋ شاراسىن ءۇيقاماققا وزگەرتۋ تۋرالى ءوتىنىشىن قولدادى.
بۇعان دەيىن Mudarabah Capital قارجى پيراميداسىنا قاتىستى ءىستىڭ الدىن الا تىڭداۋ بارىسىندا ايىپتالۋشىلار مەن ولاردىڭ قورعاۋشىلارى سوتتان ءۇيقاماق تۇرىندەگى بۇلتارتپاۋ شاراسىن وزگەرتۋدى، ال كەيبىرەۋلەرى وزدەرىنە قاتىستى قىلمىستىق ءىستى توقتاتۋدى سۇراعان بولاتىن.
12-جەلتوقساندا قارجى پيراميداسىن قۇردى دەپ ايىپتالعان تانىمال ۆاينەرلەردىڭ ءىسى سوتقا جولدانعان ەدى. الماتى قالالىق پوليتسيا دەپارتامەنتىنىڭ تەرگەۋ باسقارماسى تانىمال ۆاينەرلەر مەيىرجان تورەبايەۆ پەن مەيىرحان شەرنيازوۆقا ق ر قىلمىستىق كودەكسىنىڭ 217-بابى 3-بولىگى بويىنشا ايىپ تاقتى. كەيىننەن مەيىرجان تورەبايەۆ پەن مەيىرحان شەرنيازوۆ ۇستالدى.