پرەزيدەنت ءوز سوزىندە قيراعان عيماراتتاردى قالپىنا كەلتىرۋگە بولعانىمەن، قانتاردىڭ جازىقسىز قۇرباندارىنىڭ ءومىرىن قايتارۋ مۇمكىن ەمەس ەكەنىن ايتتى. ءاربىر قازاقستاندىق قازا تاپقانداردى ەسكە الىپ قانا قويماي، ەلدەگى بەيبىتشىلىكتى ساقتاۋعا مىندەتتى.
«تاعزىم» مەموريالدىق كەشەنى ەندى الماتىلىق داۋرەن بىتكەمبايەۆتىڭ تاعزىم ەتەتىن ورنىنا اينالماق. ول 2022 -جىلدىڭ قاڭتارىندا اكەسى مەن اناسىنان ايىرىلدى. ولار قاڭتار وقيعاسىنىڭ كەزدەيسوق قۇرباندارى بولدى.
7-قاڭتار كۇنى كەشكى 19:00 شاماسىندا قىزىنىڭ ۇيىنەن شىعىپ، ءوز ۇيىنە بارا جاتقان 72 جاستاعى قۋات بىتكەمبايەۆ پەن 63 جاستاعى گۇلزيپا قۇلسۇلتانوۆا كەزدەيسوق اتىلعان وقتان قازاعا ۇشىراپ، كولىكتىڭ ىشىندە ورتەنىپ كەتكەن.
بۇل وقيعادان داۋرەن بەركىمبايەۆ ءالى كۇنگە دەيىن ءوز- وزىنە كەلە الماي ءجۇر.
«سول جاققا بارعاندا ءوز كولگىمدى تانيمىن عوي. 50 شاقتى وقتىڭ تەسىكتەرى بار. قالعان سۇيەكتەرىن اعام، اپكەم ۇشەمىز جيناپ، ەكى پاكەتكە سالىپ ۇيگە اكەلدىك. مۇندايدى ەشكىمگە تىلەمەس ەدىم. شوكتان باسقا ەشتەڭە سەزىنبەيسىڭ»، - دەدى داۋرەن بىتكەمبايەۆ.
رەداكتسيادان
«قازاقپارات» ح ا ا كومانداسى الماتىدا دا، قازاقستاننىڭ وزگە وڭىرلەرىندە دە قاڭتار قاسىرەتى كەزىندە قىلمىسكەرلەر مەن توناۋشىلاردىڭ ارەكەتىن ءوز كوزىمەن كورگەن وقىرماندارىمىز از ەمەس ەكەنىنە سەنىمدى. وقىرماندارىمىزدى ءوز وقيعالارى جايلى اڭگىمەلەپ بەرۋگە شاقىرامىز. بىزگە مىنا ەلەكتروندىق پوشتا ارقىلى حات جازۋعا بولادى: rusred@inform.kz, kazred@inform.kz.
بىزبەن الەۋمەتتىك جەلىلەر ارقىلى دا بايلانىسۋعا بولادى:
Telegram: @qazaqparat_kz, @kazinform_news؛
Facebook: @KazakparatKZ، @ Instagram ؛
Instagram: @qazaqparat_kz, @kazinform.
قاڭتار قاسىرەتى جايلى ايتىلماعان وقيعا قالماۋى كەرەك.