قور نارىعىندا تەڭگە باعامى نىعايدى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، تەڭگەنىڭ 1 دوللارعا قاتىستى باعامى كوتەرىلدى، دەپ حابارلايدى قازاقپارات ءتىلشىسى.

ساۋدا- ساتتىق مالىمەتتەرىنە قاراعاندا، دوللار باعامى 22-جەلتوقسان كەشىمەن سالىستىرعاندا 4, 70 تەڭگەگە ارزانداپ، 1 دوللار 461,97 تەڭگە بولدى. ۇلتتىق بانكتىڭ 23-قاراشاداعى رەسمي باعامى - 1 دوللار ءۇشىن 466,98 تەڭگە.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى 464 تەڭگە، ساتىپ الۋ - 468 تەڭگە.

ال استانا قالاسى بويىنشا ساتۋ باعامى 465,7 تەڭگەدەن بولسا، ساتىپ الۋ قۇنى - 468,7 تەڭگە. رەسەي ءرۋبلى 6,55 - 6,65 تەڭگە ارالىعىندا ساۋدالانىپ جاتىر.

ەسكە سالساق، بۇعان دەيىن ءرۋبلدىڭ بىرنەشە كۇن بويى قۇلدىراۋىنا نە سەبەپ بولعانى ايتىلدى.