قار، جاياۋ بۇرقاسىن: قازگيدرومەت بۇگىنگى اۋا رايى بولجامىن جاريالادى

استانا: قازاقپارات - «قازگيدرومەت» ر م ك-سى بۇگىنگى اۋا رايى بولجامىن جاريالادى، دەپ حابارلايدى قازاقپارات.

اتلانتيكالىق تسيكلوننىڭ تەرەڭ جىراسى مەن اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە جاياۋ بۇرقاسىن سوعىپ، قار جاۋادى، تۇندە شىعىستىڭ تاۋلى اۋداندارىندا قالىڭ قار تۇسەدى. سولتۇستىك- باتىس انتيسيكلون جوتاسىنىڭ اسەرىنەن، ەلىمىزدىڭ سولتۇستىك-باتىسىندا، وڭتۇستىك- باتىسىندا جانە ورتالىعىندا كۇن جاۋىن-شاشىنسىز بولادى.

رەسپۋبليكامىزدىڭ سولتۇستىك-باتىسىندا، وڭتۇستىگىندە، وڭتۇستىك-شىعىسىندا تۇمان ءتۇسىپ، باتىستا، وڭتۇستىك-شىعىستا - كوكتايعاق، قازاقستاننىڭ سولتۇستىگىندە، باتىس جانە وڭتۇستىگىندە جەل كۇشەيىپ، بۇرقاسىن كۇتىلەدى.