بۇل وتكەن جىلعى كەزەڭمەن سالىستىرعاندا ,4 عا از، دەپ حابارلايدى قازاقپارات energyprom.kz سايتىنا سىلتەمە جاساپ.
2021 -جىلى مامىلەلەردىڭ رەكوردتىق سانى (606,1 مىڭ) تىركەلگەن ەدى، سونىڭ ىشىندە ەل حالقى باسپانا ساتىپ الۋ ءۇشىن زەينەتاقى جيناقتارىنىڭ ءبىر بولىگىن پايدالانۋعا مۇمكىندىك الدى.
«بۇل دۇربەلەڭ بيىلعى جىلدىڭ ساۋىرىنە دەيىن، ياعني زەينەتاقى قاراجاتىنىڭ جەتكىلىكتىلىك شەگى ۇلعايعانشا سوزىلدى. وسى ارالىقتا مىڭداعان ادامدار جىلجىمايتىن مۇلىك ساتىپ الدى. بجزق دەرەكتەرى بويىنشا 2022 -جىلعى 19 -جەلتوقسانداعى جاعداي بويىنشا تۇرعىن ءۇي جاعدايلارىن جاقسارتۋ ءۇشىن جالپى سوماسى 3,2 تريلليون تەڭگەگە 1,3 ميلليوننان استام ءوتىنىش ورىندالعان»، - دەپ جازدى سايت.
وڭىرلىك بولىنىستە بيىلعى 11 ايدا تۇرعىن ءۇي ساتىپ الۋ- ساتۋ مامىلەلەرىنىڭ ەڭ كوپ سانى الماتى (64,6 مىڭ) مەن استانادا (60,5 مىڭ) بايقالدى. ۇزدىك بەستىككە قاراعاندى (56,2 مىڭ مامىلە)، ماڭعىستاۋ (29,5 مىڭ) جانە الماتى (26,3 مىڭ) وبلىستارى كىردى.
باسپاناعا سۇرانىستىڭ ارتۋىمەن بىرگە ۇسىنىس تا وسۋدە. الايدا، جاۋاپسىز كومپانيالاردىڭ بولۋى حالىقتىڭ جيناقتارىن جوعالتۋ قاۋپىن ارتتىرادى. كۇماندى ديەۆەلوپەرلەر ماسەلەسى ءالى دە وزەكتى، جانە كەز كەلگەن قازاقستاندىق ولاردىڭ قارماعىنا تۇسە الادى. ق ر ي ي د م حابارلاعانداي، قازىرگى ۋاقىتتا ۇلەستىك قۇرىلىستى باقىلاۋ قۇرىلىس سالۋشىلار مونيتورينگىمەن جانە زاڭنامانى ساقتاماعانى ءۇشىن تومەن ايىپپۇلدارمەن شەكتەلگەن. بۇل كەيبىر كومپانيالارعا سۇر سحەمالارمەن جۇمىس ىستەۋگە جانە ازاماتتارمەن زاڭسىز كەلىسىمشارتتار جاساسۋدى جالعاستىرۋعا مۇمكىندىك بەرەدى.
قازىرگى ۋاقىتتا قازاقستاننىڭ التى وڭىرىندە 50 پروبلەمالىق نىسان بار: استانادا 21، اقتوبە وبلىسىندا — 11، اتىراۋدا — 6، ماڭعىستاۋدا — 5، اقمولا وبلىسىندا — 4، الماتىدا-3. يندۋستريا جانە ينفراقۇرىلىمدىق دامۋ مينيسترلىگى 27 نىسان ماسەلەسى 2023 -جىلى تولىعىمەن شەشىلەتىنىن ايتتى.
«جالپى، ۇلەسكەرگە الدانىپ قالماۋ ءۇشىن قۇرىلىس كومپانياسىنىڭ تاريحىن، قىزمەت ەتۋ مەرزىمىن، دەفولتتاردىڭ جوقتىعىن، باسقا سەكتورلاردا (ينفراقۇرىلىمدىق نەمەسە ونەركاسىپتىك) جوبالاردى جۇزەگە اسىرۋىن، الەۋمەتتىك جاۋاپكەرشىلىگىن زەردەلەۋ قاجەت. مىسالى، Krisha.kz سايتى قىلمىستىق فيرمالاردان قورعانۋعا كومەكتەسەتىن پايدالى ءىس- قيمىل الگوريتمىن ۇسىنادى. سونىمەن قاتار، مەملەكەت تاراپىنان قۇرىلىس سالۋشىلارعا قويىلاتىن تالاپتار كۇشەيىپ كەلەدى: ەگەر كومپانيانىڭ وبەكتىنى اياقتاۋعا جەتكىلىكتى قاراجاتى بولماسا (ونىڭ ىشىندە تك قاڭقاسى سالىنباعان بولسا)، پاتەرلەر ساتىلىمىن باستاي المايدى. سونىمەن قاتار، ءبىرىڭعاي وپەراتور مەن بانكتىڭ كەپىلدىكتەرى بولۋى كەرەك، ولاردى بەرۋ كەزىندە كومپانيانىڭ جاعدايى باعالانادى»، - دەپ جازىلعان سايتتا.
بۇدان باسقا، مىسالى، استانا اكىمدىگىنىڭ رەسمي سايتىندا كۇماندى قۇرىلىس سالۋشىلاردىڭ ءتىزىمى جاريالانىپ تۇرادى. بۇل ماسەلەنىڭ قانداي وزەكتى ەكەنىن ءتۇسىنۋ ءۇشىن 7 قاراشادا جاريالانعان ۇلەسكەرلەردىڭ اقشاسىن تارتۋعا قۇقىعى جوق كومپانيالاردىڭ سوڭعى ءتىزىمىن قاراۋ جەتكىلىكتى. ءبىر عانا قالادا بۇل تىزىمگە بىردەن 80 ازىرلەۋشى كىرگەن.
ايتا كەتەيىك، ەلوردادا ءالى كۇنگە دەيىن مەملەكەتتىك قاراجات ەسەبىنەن ۇزاققا سوزىلعان قۇرىلىس ماسەلەلەرى شەشىلۋدە. بۇعان دەيىن اكىمدىك 150 كوپپاتەرلى تۇرعىن ءۇي كەشەنىنىڭ 120-سىنىڭ قۇرىلىسىن اياقتاعان بولاتىن. مىڭداعان ادامدار كوپتەن كۇتكەن پاتەرلەرىنە كىرە الدى. 16-جەلتوقساندا تاۋەلسىزدىك كۇنى تاعى 300 دەن استام ۇلەسكەر وتباسىنىڭ كىلتتەرىن الدى. قالعان 15 نىسان بويىنشا (30 دان استام ت ك) قۇرىلىس قارقىنىن جەدەلدەتۋ مىندەتى قويىلعان.