«ۋكرايناداعى اسكەري ءىس- قيمىل باستالىپ، رەسەي ەكونوميكاسىنا قاتىستى سانكسيالار جاريالانعاننان كەيىن 362 كومپانيانى انىقتاپ الدىق. بۇگىندە ولار اشىق دەرەكوزدەرىندە رەسەي نارىعىنان كەتەتىندەرىن نە قىزمەتتەرىن قىسقارتاتىندىعىن جاريالادى. 362 كومپانيا - بۇل رەسەيدە قىزمەتىن جۇزەگە اسىرعان شەتەلدىك كومپانيالار ولار ءبىزدىڭ قىزىعۋشىلىعىمىزدى وياتتى»، - دەدى ءمينيستردىڭ ورىنباسارى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، قازاقستان تاراپى وسى جىلدىڭ ناۋرىز ايىنان باستاپ رەسەيدەگى برەندتەردىڭ باستى كەڭسەلەرىنە شىعىپ، ءوندىرىس وشاقتارىن ەلىمىزگە كوشىرۋ ۇسىنعان.
«بىردەن ايتا كەتەيىك، ەلىمىزگە كوشەتىن كومپانيالارعا ەشقانداي ارناۋلى جاعداي جاسالمايدى. ولار قازاقستاندا قولدانىستاعى جالپى قۇقىقتىق الاڭدا جۇمىس ىستەيتىن بولادى»، - دەدى الماس ايداروۆ.