الەم جانكۇيەرلەرى ساتىلىمنىڭ العاشقى كەزەڭىندە Make Your Games («ءوز ويىندارىڭدى جيناقتا») اتتى بيلەت- پاكەت ارقىلى ءوز قولىمەن باستى باسەكەنىڭ باعدارلاماسىن ىڭعايلى ەتىپ جاساقتاپ الا الادى. ول ءۇشىن بىلاي ىستەۋ كەرەك:
1) . 2023 -جىلعى 31-قاڭتارعا دەيىن tickets.paris2024.org سايتىندا تىركەۋدەن ءوتۋ قاجەت.
2) . 31-قاڭتاردان كەيىن تولىق ءتىزىم جاساقتالادى. ەگەر ءسىزدىڭ ءوتىنىشىڭىز لوتەرەيادا تاڭدالسا، Make Your Games بيلەت- پاكەتىن ساتىپ الاسىز.
3) . 2023 -جىلعى 13-اقپاندا تىركەلگەن جانكۇيەرلەر اراسىندا جەرەبە وتەدى. بۇل جايلى حابارلاما ءار ادامنىڭ تىركەۋ كەزىندە كورسەتىلگەن ەلەكتروندى پوشتاسىنا كەلەدى. ەسكەرەر جايت: حابارلاما العان ازاماتتار 48 ساعاتتىڭ ىشىندە ەلەكتروندى پوشتاعا كەلگەن سىلتەمەنى اشىپ، حاتتى العانىن راستاۋى كەرەك. سوسىن، بيلەت تاڭداپ,15-اقپاننان 15-ناۋرىزعا دەيىن ساتىپ الۋىڭىزعا بولادى. جالپى Make Your Games پاكەتىنە جەكەلەگەن 3 سايىستىڭ بيلەتى كىرەدى.
ال بيلەتتى جەكە- جەكە ساتىپ العىسى كەلەتىن جانكۇيەرلەر ءۇشىن مۇنداي مۇمكىندىك بىلاي جۇرەدى:
1) . 2023 -جىلعى 1-ناۋرىز بەن ءساۋىردىڭ اياعىنا دەيىن تىركەۋدەن ءوتۋ (tickets.paris2024.org)
2) . 2023 -جىلعى مامىردىڭ باسىنان باستاپ بيلەت الا الاسىز.
باسىندا ايتقان Make Your Games بيلەت- پاكەتى 72 ەۋرو، ال جەكەلەگەن بيلەت باعاسى 24 ەۋرو تۇرادى. تولىق اقپارات tickets.paris2024.org سايتىندا.
پاريج وليمپياداسىنىڭ ۇرانى - Games Wide Open («بارىنشا اشىق ويىندار») . ۇيىمداستىرۋشىلار وسى ارقىلى عالامات اسەردى بىرگە ءبولىسۋ ءۇشىن جانكۇيەرلەردى كوپتەپ جيناۋدى كوزدەپ وتىر. سول سەبەپتى دە «ءوز ويىندارىڭدى جيناقتا» سىندى پاكەت وليمپيا ويىندارى تاريحىندا العاش رەت ۇسىنىلعان.
ايتا كەتەيىك، حالىقارالىق وليمپيادا كوميتەتى باس- اياعى 10 ميلليونداي بيلەتتى ساتىلىمعا شىعارادى. ونىڭ 1 ميلليونى 24 ەۋرودان، جارتىسى 50 ەۋرو جانە ودان ارزان باعادا قولجەتىمدى بولادى. تاعى 3 ميلليون بيلەتتىڭ باعاسى 100 ەۋرودان باستالادى. تەك بيلەت قىمباتقا ساتىلماق.
فوتو: tickets.paris2024.org