بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى دانيار ءجانالىنوۆ ءمالىم ەتتى، دەپ حابارلايدى قازاقپارات ءتىلشىسى.
«بيىل سالىق ءتۇسىمى بويىنشا جىلدى جاقسى كورسەتكىشپەن اياقتاپ جاتىرمىز. 2022 -جىلى 11 ايدىڭ قورىتىندىسى بويىنشا مەملەكەت قازىناسىنا 13,5 تريلليون تەڭگە سالىق ءتۇستى. جوسپار 103,1 پايىزعا ورىندالىپ وتىر، ياعني بىلتىرمەن سالىستىرعاندا 1,4 ەسە ارتىق. ناقتى ايتقاندا، بىلتىرعا قاراعاندا 3,8 تريلليون تەڭگە سالىق ارتىعىمەن ءتۇسىپ وتىر»، - دەدى دەدى دانيار ءجانالىنوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
بۇعان دەيىن كىرىستەر كوميتەتى باسشىسى قازاقستاندا تۇرعىن ءۇيدى زاڭدى تۇردە جالعا بەرەتىندەرگە قاتىستى ەسەپ كەلتىرگەن ەدى.
ودان بولەك، كىرىستەر كوميتەتىنىڭ ءتوراعاسى دانيار ءجانالىنوۆ 39 مىڭ مەملەكەتتىك قىزمەتشىنىڭ كىرىسى مەن جەكە مۇلكى تۋرالى اقپاراتتى جاسىرعىسى كەلگەنىن ايتتى.