«قازىرگى ۋاقىتتا ەپيدەميولوگيالىق احۋال قانداي دا ءبىر شەكتەۋ شارالارىن ەنگىزۋدى قاجەت ەتپەيدى. ءبىز مۇنى كومەككە جۇگىنەتىن ناۋقاستارعا قاراپ، ولاردىڭ جاي-كۇيىنە قاراپ باعامدايمىز. قازىر ەل بويىنشا ينفەكسيالىق ستاتسيونارلاردا، اسىرەسە كوروناۆيرۋس ينفەكسياسى بويىنشا 300 ادام ەمدەلىپ جاتىر. كەي وڭىرلەردە شارالار كۇشەيدى، ءار اۋماقتاعى باس سانيتارلىق دارىگەر ءوز جاعدايىنا قاراي شەشىم قابىلداۋعا قۇقىلى»، - دەپ جاۋاپ بەردى دەنساۋلىق ساقتاۋ ءمينيسترى.
ونىڭ ايتۋىنشا، قازىر ءجىتى رەسپيراتورلىق ۆيرۋس ينفەكسيالارىنىڭ، تۇماۋدىڭ ماۋسىمدىق ءورشۋ كەزەڭى.
«ءبىز ۇسىنىم بەرەمىز جانە جابىق ۇيىمداردا ماماندار پروتسەستىڭ تارالۋىن توقتاتىپ، ناۋقاسپەن بايلانىستا بولعانداردى قاداعالاۋعا تىرىسىپ جاتىر»، - دەدى اجار عينيات.